- ఎంపీటీసీ లంకా విజయలక్ష్మి
నవతెలంగాణ-చండ్రుగొండ
చదువుకు పేదరికం అడ్డుకారాదని, మంచి మార్కులు తెచ్చుకొని ఊరికి మంచి పేరు తీసుకురావాలని ఎంపీటీసీ, టీఆర్‌ఎస్‌ మండల నాయకురాలు లంకా విజయలక్ష్మి-నరసింహరావు దంపతులు స్పష్టం చేశారు. ఆదివారం తిప్పనపల్లి గ్రామంలో ఎంపిటీసీ, లంకా విజయలక్ష్మి-నరసింహరాలు దంపతులు ఏర్పాటు చేసిన కార్యక్రమంలో ఇటీవల పరీక్షల్లో అత్యుత్తమ మార్కులు సంపాదించిన గ్రామానికి చెందిన విద్యార్థులు రామిశెట్టి నిరంజన్‌, షేక్‌ జరీనా, అంచ రవిమారుతి, దరావత్‌ పవన్‌, షేక్‌ సులేమాన్‌, సుంకర గాయత్రిలను శాలువతో సన్మానించి, జ్ఞాపికలను అందజేశారు. ఈ సందర్భంగా వారు మాట్లాడారు. ఈ కార్యక్రమంలో జిల్లా పరిషత్‌ కోఆప్షన్‌ సభ్యులు సయ్యద్‌ రసూల్‌, మండల కోఆర్డినేటర్‌ గాదె లింగయ్య, టీఆర్‌ఎస్‌ నాయకులు, గ్రామ పెద్దలు సయ్యద్‌ సైదా, మైలాలి, గుగులోత్‌ రమేష్‌, కళ్లేం వెంకటేశ్వర్లు, తదితరులు పాల్గొన్నారు.
