- వీధుల్లో ప్రవహించిన వరద
- ఓసిలో భారీగా వర్ధనీరు
నవతెలంగాణ-మణుగూరు
               మణుగూరులో శుక్రవారం కుంభ వర్షం కురిసింది. భారీ వర్షం కారణంగా పగడేరు పంచాయతీ పరిధిలోని శాంతినగర్‌ ఊర చెరువు అలుగు ఉదృతంగా ప్రవహించడంతో 10 గృహాలు నీటిమణిగినాయి. రోడ్డుపై వరద ఉదృతంగా ప్రవహించడంతో కోత గురైంది. మణుగూరు పట్టణంలో సుందరయ్య నగర్‌ లో కట్టవ ఉధృతికి 15 గృహాలు నీట మునిగినాయి. ఓసి ఫోర్‌ వరద శేషగిరి నగర్‌ భగత్‌ సింగ్‌ నగర్‌ ప్రధాన రోడ్డుపై ప్రవహించింది. దీని కారణంగా రాకపోకలకు అంతరాయం కలిగింది. సింగరేణి ఉపరితల గనులలో భారీగా వరద నీరు చేరింది. దీని కారణంగా బొగ్గు ఉత్పత్తి నిలిచిపోయింది. రోజుకు 35000 బొగ్గు ఉత్పత్తి కి అంతరాయం కలిగింది. భారీ మోటార్లతో సింగరేణి అధికారులు వరదలు తోడేస్తున్నారు.