- పౌష్టికాహారం అందించాలి
- విద్యార్థులకు ఉత్తమ విద్యను అందించాలి
నవతెలంగాణ-కామేపల్లి
ఆశ్రమ పాఠశాలల్లో విద్యనభ్యసిస్తున్న విద్యార్థినిలకు ఉత్తమ బోధనను అందించాలని ఏటిడివో తిరుమల రావు అన్నారు. మండల కేంద్రంలోని ఆశ్రమ పాఠశాలను మంగళవారం ఆయన సందర్శించారు. ఈ సందర్భంగా పరిసరాలను పరిశీలించారు. అనంతరం పలు రికార్డులను పరిశీలించి సిబ్బందికి సలహాలు సూచనలు అందించారు. అనంతరం తరగతి గదిలో విద్యార్థినిలను పలు ప్రశ్నలు వేసి సమాధానం తెలుసుకున్నారు. ఈ సందర్భంగా ఆయన మాట్లాడుతూ వసతి గృహం పరిసర ప్రాంతంలో పరిశుభ్రత గా ఉండేందుకు సిబ్బంది ప్రతిరోజు కృషి చేయాలని, సంపూర్ణ ఆరోగ్యం సాధించాలంటే పరిసరాల పరిశుభ్రత ఉండాలని అన్నారు. ఈ కార్యక్రమంలో వార్డెన్‌ వసంత, పాఠశాల ప్రధానోపాధ్యాయుడు నాగేశ్వరావు, ఉపాద్యాయులు సిబ్బంది తదితరులు పాల్గొన్నారు.