- సీపీఐ(ఎం) జిల్లా కార్యదర్శి వర్గ సభ్యులు భూక్యా వీరభద్రం
నవతెలంగాణ-కొణిజర్ల(ఏన్కూర్‌)
దేశంలో ప్రజా వ్యతిరేక విధానాలు అనుసరిస్తూ గిరిజన హక్కులను కాలరాస్తున్న బిజెపి ప్రభుత్వ విధానాలకు వ్యతిరేకంగా తెలంగాణ రైతాంగ సాయుధ పోరాట అమరవీరుల స్ఫూర్తితో పోరాడాలని సీపీఐ(ఎం) జిల్లా కార్యదర్శి వర్గ సభ్యులు భూక్యా వీరభద్రం పిలుపునిచ్చారు. శనివారం సిపిఎం మండల కమిటీ ఆధ్వర్యంలో తెలంగాణ సాయుధ రైతంగ పోరాట వార్షికోత్సవ మండల పరిధిలో మేడేపల్లి తెలంగాణ సాయుధ పోరాట అమరవీరుల స్థూపాల వద్ద మండల కార్యదర్శి దువంతమైన నాగేశ్వరరావు అధ్యక్షతన జరిగింది. ముందుగా గ్రామస్తులతో కలిసి స్తూపాలకు పూలమాలతో నివాళులర్పించారు. కార్యక్రమంలో ప్రముఖ కవి ప్రముఖ కవి రూప రుక్మిణి, ఎంపీటీసీ సభ్యులు భూక్యా లచ్చు నాయక్‌, లెనిన్‌ మాజీ సర్పంచ్‌ బండ్ల చిన్న జోగయ్య, మాజీ ఎంపీటీసీ సభ్యులు మడకం గంగులు, పిచ్చయ్య, రాధా, రాములమ్మ, మంగమ్మ తదితరులు పాల్గొన్నారు.