- బ్రాంచ్‌ కార్యదర్శి రాజు ప్రథమ వర్ధంతి సభలో సీపీఐ(ఎం), సిఐటియు
నవతెలంగాణ-ఇల్లందు
కార్మికుల సమస్యలపై బ్రాంచ్‌ కార్యదర్శి రాజు రాజీ పడకుండా అనేక పోరాటాలు చేశాడని సింగరేణి కాలరీస్‌ ఎంప్లాయిస్‌ యూనియన్‌( సిఐటీయు) రాష్ట్ర ప్రధాన కార్యదర్శి మందా నరసింహారావు అన్నారు. సింగరేణి కాలరీస్‌ ఎంప్లాయిస్‌ యూనియన్‌ ఇల్లందు బ్రాంచ్‌ కార్యదర్శి లక్ష్మీనారాయణ (రాజు) ప్రథమ వర్ధంతి సందర్భంగా ఆదివారం ఆయన స్తూపం వద్ద నివాళులర్పించారు. ఈ సందర్భంగా లక్ష్మి నారాయణ సేవలు కొనియాడారు. ఈ కార్యక్రమంలో సీఐటీయూ నాయకులు నాయకులు కూకట్ల శంకర్‌, మహమ్మద్‌ అబ్బాస్‌, అబ్దుల్‌ నబి, తాళ్లూరి కృష్ణ, సీపీఐ(ఎం) నేతలు దేవులపల్లి యాకయ్య మన్యం మోహన్‌ రావు, ప్రజా సురేష్‌, సుడిగాలి వెంకట నర్సయ్య, లక్క రాజేశ్వరరావు, భార్య భాగ్యలక్ష్మి, కూతురు దీపిక, కర్కపల్లి రాయమల్లు, శివకుమార్‌ , బావ లక్ష్మీనారాయణ, దుర్గా ప్రసాద్‌ తదితరులు పాల్గొన్నారు.
