నవతెలంగాణ-తిరుమలాయపాలెం
తెరాస రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి మంగళవారం తిరుమలాయపాలెం మండలంలో పర్యటించారు. పర్యటనలో భాగంగా తిరుమలాయపాలెం గ్రామంలో వడూరి రామ్మూర్తి, పుసులూరి రామయ్య, మద్దినేని పూర్ణచందర్‌ రావు, శింగవరపు బాబు, కల్వకుంట్ల వీరయ్య కుటుంబాలను పరామర్శించి ఆర్థికసాయాలను అందజేశారు. యర్రగడ్డ గ్రామంలో బత్తుల రామలక్ష్మి, గుగ్గిళ్ల లక్ష్మయ్య, ఐతా కొమరయ్య, గోవింద లక్ష్మి కుటుంబాలను పరామర్శించారు. తాళ్ల చెర్వు, బీరోలు, ఏలువారిగూడెం గ్రామాల్లో పలు కుటుంబాలను పరామర్శించారు. పిండిప్రోలులో పలు కుటుంబాలను పరామర్శించారు. కేశవాపురం గ్రామంలో యరవల్లి బిక్షమయ్య, ఈడుల గురవయ్య, కజ్రాసు ఈశ్వరమ్మ కుటుంబాలను పరామర్శించి ఆర్థికసాయాలను అందజేశారు. ఆపదలో అండగా ఉంటాననే భరోసాను బాధిత కుటుంబాలకు కల్పించారు.
ఈ పర్యటనలో పొంగులేటి వెంట తెరాస రాష్ట్ర నాయకురాలు మద్దినేని బేబి స్వర్ణకుమారి, డీసీసీబీ మాజీ చైర్మన్‌ మువ్వా విజయబాబు, తిరుమలాయపాలెం మండల రైతు సమన్వయ సమితి కన్వీనర్‌ చావా శివరామకష్ణ, బీరోలు సొసైటీ ఛైర్మన్‌ రామసహాయం నరేష్‌ రెడ్డి, ఎంపీటీసీ అంబేద్కర్‌, మార్కెట్‌ కమిటీ డైరెక్టర్‌ బత్తుల రవికుమార్‌, మండల అధికార ప్రతినిధి కర్నాటి రాజేంద్రప్రాద్‌, మండల కోశాధికారి పోట్ల ప్రవీణ్‌, ఉప సర్పంచ్‌ సిరిగద్దె ఉపేందర్‌, పిండిప్రోలు సొసైటీ డైరెక్టర్‌ చల్లా వెంకటేశ్వర్లు, తాళ్లచెర్వు సర్పంచ్‌ జోగుపర్తి వెంకటేశ్వర్లు, ఏలువారిగూడెం సర్పంచ్‌ దేవేందర్‌ రెడ్డి, పాతర్లపాడు సర్పంచ్‌ రామ్మోహన్‌ రెడ్డి, మండల బీసీ సెల్‌ అధ్యక్షులు నగేష్‌ గౌడ్‌, మండల ఎస్సీ సెల్‌ అధ్యక్షులు తుంటే వెంకటేశ్వర్లు, పూలపొంగు నరసింహారావు, బెల్లం రాము తదితరులు పాల్గొన్నారు.
