నవతెలంగాణ-దమ్మపేట
వీర తెలంగాణ రైతాంగ సాయుధ పోరాటం వారోత్సవాల ముగింపు సందర్భంగా శనివారం దమ్మపేటలోని జమేదార్‌బంజర గ్రామంలో వీర తెలంగాణ రైతాంగా సాయుధ పోరాటయోధుడు అమరజీవి కామ్రేడ్‌ సోయం గంగులు సంస్మరణ సభ జరిగింది. ఈ సందర్భంగా మండల కార్యదర్శి మోరంపూడి శ్రీనివాసరావు అధ్యక్షతన సోయం గంగులు స్మారక స్థూపం వద్ద పార్టీ జెండాను జిల్లా సెక్రటేరియేట్‌ నెంబర్‌ కొక్కెరపాటి పుల్లయ్య జెండా పార్టీ జెండాను ఎగురవేశారు. సోయం గంగులు స్మారక స్థూపానికి జిల్లా కమిటీ సభ్యులు దొడ్డ లకిëనారాయణ పూలమాలలు వేసి ఘనంగా నివాళులర్పించారు. ఈ సందర్భంగా జరిగిన సభలో పుల్లయ్య మాట్లాడుతూ సాయుధ రైతాంగ మహోత్తరమైన పోరాటంలో జమీందారుబంజర గ్రామానికి చెందిన సోయం గంగులు బొబ్బిలి పులిగా తుపాకీ బట్టి పోరాటం నిర్వహించి కష్టజీవుకు పేదలకు భూములు పంచారన్నారు. బీజేపీ మతతత్వాన్ని రాక్షస పాలన అంతమొందిచాలి అని అన్నారు. అమరజీవి సోయం గంగులుకు ఘనమైన నివాళులు అర్పించారు. ఈ కార్యక్రమంలో జిల్లా కమిటి సభ్యులు పిట్టల అర్జున్, సీఐటీయూ కన్వీనర్‌ కనితి బాబూరావు, రాజు పామాయిల్‌ గెలల కటింగ్‌ మేస్త్రి ఉదరు వెంకటేశ్వరరావు ఎస్కే నభీ, రావుల శోభన్‌బాబు, జమీందార్‌ బంజర గ్రామ ప్రజలు పాల్గొన్నారు.
