- నివాళ్లర్పించిన ఎంపీ, ఎమ్మెల్సీ
నవతెలంగాణ- కారేపల్లి
సింగరేణి విశ్రాంత ఉద్యోగి, మాజీ సీఐటీయు నాయకులు కొండబాల వెంకయ్య(65) ఆదివారం మృతి చెందాడు. మూడు రోజుల క్రితం గుండెపోటు రావటంతో అయనను ఖమ్మంలో ఓ ప్రయివేటు ఆసుపత్రిలో చేర్పించి చికిత్స నిర్వహిస్తున్న క్రమంలో మరోసారి గుండెపోటు రావటంతో ఆసుప్రతిలోనే మృతి చెందాడు. ఆయనకు భార్య రాజమ్మ, కుమార్తె ఉన్నారు. సింగరేణి కాలరీస్‌ ఉద్యోగిగా సింగరేణి ఎంప్లాయిస్‌ యూనియన్‌( సీఐటీయు)లో ఇల్లందు బ్రాంచిలో పని చేశారు. మృదుస్వభావి, కలుపుగోలుగా ఉండే కొండబాల వెంకయ్య మృతి విషయం తెలుసుకున్న సింగరేణి కాలరీస్‌కు చెందిన ఉద్యోగులు, కార్మికులు ఆయన మృతదేహాన్ని సందర్శించి నివాళ్లు ఆర్పించారు. మృతుడు వైరా అత్మ కమిటీ చైర్మన్‌ ముత్యాల(కొండబాల) సత్యనారాయణ స్వయాన సోదరుడు. వెంకయ్య మృత దేహాన్ని రాజ్యసభ సభ్యులు వద్దిరాజు రవిచంద్ర, ఎమ్మెల్సీ తాతా మధులు సందర్శించి నివాళ్లు ఆర్పించారు. నివాళ్లు ఆర్పించిన వారిలో ఎంపీపీ మాలోత్‌ శకుంతల, వైస్‌ఎంపీపీ రావూరి శ్రీనివాసరావు, టీఆర్‌ఎస్‌ మండల అధ్యక్ష ప్రధానకార్యదర్శులు తోటకూరి రాంబాబు, అజ్మీర వీరన్న, మాజీ అధ్యక్షులు తోటకూరి పిచ్చయ్య, సోసైటీ అధ్యక్షులు దుగ్గినేని శ్రీనివాసరావు, ఉపాధ్యక్షులు దారావత్‌ మంగీలాల్‌, సంత ఆలయ చైర్మన్‌ మల్లెల నాగేశ్వరరావు, రైతు బంధు మండల కన్వీనర్‌ గుగులోత్‌ శ్రీను, జిల్లా సభ్యులు ఉన్నం వీరేందర్‌, న్యాయవాది నర్సింగ్‌ శ్రీనివాస్‌, సర్పంచ్‌లు మాలోత్‌ కిషోర్‌, బానోతు కుమార్‌, ఎంపీటీసీ పెద్దబోయిన ఉమాశంకర్‌, కోఆప్షన్‌ సభ్యులు ఎండీ.హనీఫ్‌, సోసైటీ డైరక్టర్లు అడ్డగోడ ఐలయ్య, వాంకుడోత్‌ నరేష్‌, సీపీఐ(ఎం) జిల్లా కార్యదర్శి వర్గ సభ్యులు భూక్యా వీరభద్రం, జిల్లాకమిటీ సభ్యులు కొండెబోయిన నాగేశ్వరరావు, మండల కార్యదర్శి కే.నరేంద్ర, నాయకులు వడ్డే అజరుబాబు, వజ్జా రామారావు, తలారి దేవప్రకాష్‌, వల్లభినేని మురళి, కాటేపల్లి నవీన్‌, సీఐటీయు నాయకులు ఎండీ అబ్బాస్‌, కరకపల్లి రాయమల్లు, కొండబాల బాబు, టీఆర్‌ఎస్‌, కాంగ్రెస్‌ నాయకులు తదితరులు ఉన్నారు.
