- అందరికీ కొత్తచీరలు అందించేందుకు ఏర్పాట్లు
- ఎమ్మెల్యే వనమా వెంకటేశ్వరరావు
నవతెలంగాణ-కొత్తగూడెం
బతుకమ్మ సంబరాలు తెలంగాణ ఆడబిడ్డల పండుగ అని, పండుగ రోజు ఆడబిడ్డలందరికీ కొత్తచీరలు అందించేందుకు రాష్ట్ర ముఖ్యమంత్రి కే.చంద్రశేఖర్‌రావు అన్ని ఏర్పాట్లు చేశారనిఎమ్మెల్యే వనమా వెంకటేశ్వరరావు తెలిపారు. గురువారం స్థానిక కొత్తగూడెం క్లబ్‌లో మున్సిపల్‌ పరిధిలోని అన్ని వార్డుల మహిళలకు చీరల పంపిణీ కార్యక్రమాన్ని ప్రారంభించారు. ఈ సందర్భంగా వనమా మాట్లాడారు. తెలంగాణలో బతుకమ్మ సంబరాలకు పెట్టింది పేరన్నారు. తెలంగాణ ఆడపడుచులకు దసరా కానుకగా కొత్తగూడెం మునిసిపాలిటీ లోని 36 వార్డ్‌ ల మహిళలకు బతుకమ్మ చీరలను పంపిణీ చేస్తున్నామన్నారు. ఈ పండగను ఎంతో సంబరంగా ఘనంగా జరుపుకోవాలని కోరారు. ఈ కార్యక్రమంలో మునిసిపల్‌ చైర్‌ పర్సన్‌ కాపు సీతాలక్ష్మి, కౌన్సిలర్లు, కో-ఆప్షన్‌ సభ్యులు, మున్సిపల్‌ కమీషనర్‌ నవీన్‌, మున్సిపల్‌ సిబ్బంది, ఆర్పీలు తదితరులు పాల్గొన్నారు.
