నవతెలంగాణ-ఆళ్ళపల్లి (గుండాల)
గుండాల మండలంలో సోమవారం ఉరుములు, మెరుపులతో కూడిన భారీ వర్షం కురిసిన నేపథ్యంలో ఓ ఇంటిపై పిడుగు పడింది. దీంతో ఇళ్లంతా పగుళ్లు ఏర్పడ్డాయి. ఇంట్లో ఉన్న వారికి ఎటువంటి ప్రాణాపాయం లేకుండా బయటపడ్డారు. దీనికి సంబంధించిన వివరాలు ఇలా ఉన్నాయి.. మండల కేంద్రము గురుకుల పాఠశాల సమీపంలో వాంకుడోతు అజరు ఇంటిపై పిడుగు పడటంతో ఇళ్లంతా పగుళ్లు తేలాయి. సామాను చెల్లాచెదురుగా పడ్డాయి. టీవీ, ఫ్రిజ్‌, కరెంటు సప్లై వైర్లు పూర్తిగా కాలిపోయాయి. అతని భార్య, పిల్లలు ఇంట్లో కొంత సేపు అపస్మారక స్థితిలో పడిపోయారు. చుట్టు పక్కల వారు గమనించి వారిని బయటకు తీసుకొచ్చారు. సుమారు రూ.లక్ష వరకు ఆస్తి నష్టం వాటిల్లిందని కుటుంబ సభ్యులు తెలిపారు.