- పలు కుటుంబాలకు పరామర్శలు
నవతెలంగాణ-ములకలపల్లి
అశ్వారావుపేట ఎమ్మెల్యే మెచ్చా నాగేశ్వరరావు సోమవారం మండలంలో విస్తృతంగా పర్యటించారు. ఈ సందర్భంగా పలు కుటుంబాలను పరామర్శించారు. తొలుత చాపరాలపల్లి గ్రామానికి చెందిన టీఆర్‌ఎస్‌ నాయకులు అడుసుమిల్లి వెంకటరమణ అనారోగ్యంతో బాధపడుతుండగా ఆయన్ను పరామర్శించారు. అదే విధంగా చాపరాలపల్లి పంచాయతీ కుమ్మరిపాడులో సర్పంచ్‌ సవలం సుజాత ఇటీవల రోడ్డు ప్రమాదంలో గాయపడగా ఈ విషయం తెలుసుకున్న ఎమ్మెల్యే అక్కడకు వెళ్లి ఆమెను పరామర్శించి విశ్రాంతి తీసుకోవాలని ధైర్యం చెప్పారు. అదేవిధంగా రామచంద్రాపురం సర్పంచ్‌ సున్నం సుధాకర్‌ బంధువు దశదినకర్మకు హాజరై కుటుంబసభ్యులను పరామర్శించారు. ఆయన వెంట ఎంపీపీ మట్ల నాగమణి, టీఆర్‌ఎస్‌ మండల అధ్యక్షుడు మోరంపూడి అప్పారావు, సర్పంచ్లు కారం సుధీర్‌, గడ్డం భవానీ, పర్వతనేని అమర్నాధ్‌ ఉన్నారు.