నవతెలంగాణ-బూర్గంపాడు
మండలంలోని అంజనాపురం గ్రామంలోగల పాఠశాలలో జరుగుతున్న పాఠశాల అభివృద్ధి పనులను జిల్లా విద్యాశాఖ అధికారి సోమశేఖర శర్మ మంగళవారం పరిశీలించారు. మన ఊరు-మనబడిలో జరుగుతున్న పాఠశాల అభివృద్ధి పనులను ఆయన పరిశీలించారు. పాఠశాలలో అమలు అవుతున్న కిచెన్‌ గార్డెన్‌, హరిత హారం, కళా వేదిక, సిమెంట్‌ రోడ్‌ ,డైనింగ్‌ హాల్‌, హ్యాండ్‌ వాష్‌ కంప్యూటర్‌ ద్వారా విద్యా బోధన ఆయన పరిశీలించి సంతృప్తి వ్యక్తం చేశారు. ఈ పాఠశాల రాష్ట్ర స్థాయి స్వచ్ఛ విద్యాలయ అవార్డ్‌ కోసం కావల సిన అన్ని అంశాలు, అర్హతలు ఉన్నాయని ఆయన పేర్కొన్నారు. ఈ కార్యక్రమంలో ఏఎస్‌ఓ సతీష్‌, మండల విద్యాశాఖ అధికారి సమ్మయ్య, పాఠశాల హెచ్‌ఎం కిషన్‌ రావు తదితరులు పాల్గొన్నారు.
మీ స్నేహితులకు రికమెండ్ చెయ్యండి
