నవతెలంగాణ-పాల్వంచ
కెఎల్‌ఆర్‌ విద్యాసంస్థల ఆధ్వర్యంలో బతుకమ్మ సంబరాలు స్థానిక కేఎల్‌ఆర్‌ ఫార్మసీ కళాశాలలో బుధవారం ఘనంగా నిర్వహించారు. ఈ కార్యక్రమానికి చైర్‌పర్సన్‌ కె.నాగమణి బతుకమ్మను గౌరమ్మను ప్రతిష్టించి జ్యోతి వెలిగించి ప్రారంభించారు. విద్యార్థులు సాంప్రదాయ దుస్తులతో అన్ని కళాశాల విద్యార్థులు అందమైన బతుకమ్మల పేర్చి బతుకమ్మ ఆట ఆడారు. కోలాటాల నృత్యాలతో ఆకట్టుకున్నారు. డీజే సౌండ్‌ కార్డులతో ఉత్సాహంగా విద్యార్థులు ఆడి పాడారు. అనంతరం సమీప జలాశయంలో నిమజ్జనం చేశారు. ఈ కార్యక్రమంలో కళాశాల డైరెక్టర్లు కాశీనాదం, మురళీ ప్రసాద్‌, కేఎల్‌ఆర్‌ విద్యాసంస్థల ప్రిన్సిపాల్‌ హెచ్వోడీలు అధ్యాపకులు విద్యార్థులు తదితరులు పాల్గొన్నారు.