- టీపీసీసీ సభ్యులు ఎడవల్లి కృష్ణ
నవతెలంగాణ-పాల్వంచ
తెలంగాణ ప్రదేశ్‌ కాంగ్రెస్‌ కమిటీ సభ్యునిగా అవకాశం ఇచ్చిన కాంగ్రెస్‌ పార్టీకి రుణపడి ఉంటానని టీపీసీసీ సభ్యులు ఎడవల్లి కృష్ణ అన్నారు. బుధవారం రెండోసారి ఎన్నికైన ఎడవల్లి కృష్ణను పాల్వంచ మండలం గుండా శ్రీనివాసరావు ఆధ్వర్యంలో ఘనంగా సన్మానించారు. ఈ సందర్భంగా ఆయన మాట్లాడుతూ దేశవ్యాప్తంగా రాహుల్‌ గాంధీ చేపట్టిన భారత్‌ జూడో యాత్ర విజయవంతంగా సాగుతుందని, మోడీ ప్రభుత్వంపై ఉన్న వ్యతిరేకతను ప్రజల్లోకి తీసుకువెళ్లేలా ఈ యాత్ర సాగుతుందని అన్నారు. అలాగే వచ్చే నెలలో తెలంగాణ రాష్ట్రంలో ఈ యాత్ర సాగుతుందని మోడీ కేసీఆర్‌ నిరంకుషపాలన ఎండగట్టాలని రాబోయే రోజుల్లో కాంగ్రెస్‌ అధికారంలోకి వచ్చేరని పిలుపునిచ్చారు. ఈ కార్యక్రమంలో సర్పంచ్‌ శ్రీను, వర్ష బాబు, బండి వీరయ్య, సురేష్‌, కృష్ణ, సోమయ్య, కిరణ్‌, రాజు, ప్రశాంత్‌, ఓకే రాములు పాల్గొన్నారు.
