- ఐసిడిఎస్‌ ఆధ్వర్యంలో బతుకమ్మ వేడుకలు
నవ తెలంగాణ- టేకులపల్లి
గర్భిణీలు తక్కువ ఖర్చుతో ఎక్కువ పోషక విలువలు పొందే ఆహారపదార్థాలను గురించి పోషణ అభియాన్‌ వారోత్సవాల్లో భాగంగా టేకులపల్లి ఐసిడిఎస్‌ ప్రాజెక్టు అధికారి మంగ తార వివరించారు. గురువారం మండలంలోని ముత్యాలంపాడు క్రాస్‌ రోడ్డు లో గల రైతు వేదిక భవనంలో ఏర్పాటుచేసిన పోషన్‌ అభియాన్‌ వారోత్సవాల్లో ఆమె మాట్లాడారు. అనంతరం ఐసిడిఎస్‌ ఆధ్వర్యంలో బతుకమ్మ వేడుకలు వివిధ రకాల పూలతో పెట్టి ఆటపాటలతో ఘనంగా నిర్వహించారు. ఈ కార్యక్రమంలో ఐసీడీఎస్‌ సూపర్వైజర్లు అనురాధ, లక్ష్మి, రోజా, బేతంపూడి సొసైటీ అధ్యక్షుడు లక్కినేని సురేందర్‌ రావు, స్థానిక సర్పంచ్‌ మాలోతు సురేందర్‌ నాయక్‌, కంప్యూటర్‌ ఆపరేటర్లు నాగిరెడ్డి, అనిత, మండల పరిధిలోని అన్ని అంగన్‌ వాడి అంగన్‌ వాడీ టీచర్స్‌ పాల్గొన్నారు.
మీ స్నేహితులకు రికమెండ్ చెయ్యండి
