నవతెలంగాణ- సత్తుపల్లి
సత్తుపల్లి మండలం సదాశివునిపాలెంలో విద్యుత్‌ షార్ట్‌ సర్క్యూట్‌ జరిగి ఓ గడ్డిల్లు పూర్తిగా దగ్దమైన ఘటన గురువారం సాయంత్రం 5:30 గంటల సమయంలో జరిగింది. గ్రామంలోని ఎస్సీ కాలనీకి చెందిన ఉబ్బన మారేశ్‌ అనే వ్యక్తికి చెందిన ఇల్లు విద్యుత్‌ షార్ట్‌ సర్క్యూట్‌ కు గురై మంటలు చెలరేగాయి. సమాచారం అందుకున్న సత్తుపల్లి అగ్నిమాపక సిబ్బంది హుటాహుటిన గ్రామానికి చేరుకుని చుట్టుపక్కల ఇండ్లకు వ్యాప్తి చెందకుండా అగ్నికీలలను అదుపులోకి తీసుకొచ్చారు. అయితే మారేశ్‌ ఇల్లు పూర్తిగా అగ్నికి ఆహుతై సుమారు రూ. లక్ష మేర నష్టం వాటిల్లింది.
మీ స్నేహితులకు రికమెండ్ చెయ్యండి
