- ఐటీసీ ప్లాంటేషన్‌ మేనేజర్‌ జితేంద్ర
నవతెలంగాణ-ఆళ్ళపల్లి
జిల్లాలోని ఆళ్ళపల్లి, గుండాల, టేకులపల్లి, ఇల్లందు మండలాల్లోని రైతులకు జామాయిల్‌ పంట పెంపకంపై ఐటీసీ ప్లాంటేషన్‌ మేనేజర్‌ జితేంద్ర అవగాహనా సదస్సు నిర్వహించారు. ఈ మేరకు శుక్రవారం మండల కేంద్రంలోని రైతు వేదికలో ఎఫ్‌ పీవో డైరెక్టర్‌ పాపారావు అధ్యక్షతన కార్యక్రమం నిర్వహించారు. ఈ సమావేశానికి ముఖ్య అతిథిగా జితేంద్ర హాజరై, మాట్లాడారు. వరి, పత్తి, మిర్చి, చిరుధాన్యాల పంటల గట్లపై, అలాగే బీడు భూములలో జామాయిల్‌ పంటలు వేయాలని సూచించారు. అనంతరం జామాయిల్‌ సాగు నిర్వహిస్తున్న ముగ్గురు రైతులకు చెక్కులు అందించారు. ఈ కార్యక్రమంలో ప్లాంటేషన్‌ ఏరియా బ్లడ్‌ ప్లాంటేషన్‌ ఇన్చార్జి ఎన్‌.సదానందచారి, ఫీల్డ్‌ సూపర్వైజర్‌ పూనెం శ్రీనివాస్‌, ఎఫ్‌ పీవో డైరెక్టర్లు చిన్నపాపయ్య, నాగేశ్వరరావు, ఎర్రయ్య, రామయ్య, తదితరులు పాల్గొన్నారు.
