- అవార్డుకు ఎంపికైన స్థానిక వాసి
- విస్డం సొసైటీ ద్వారా సేవలు
నవతెలంగాణ-అశ్వారావుపేట
సెల్ఫీ విత్‌ స్ట్రీట్‌ కాబ్లర్‌తో విస్డం సొసైటీ ద్వారా చేసిన సేవకు గాను అశ్వారావుపేట మండలం పేరాయిగూడెం పంచాయతీ నెహ్రూ నగర్ వాసి ప్రొఫెసర్‌ డాక్టర్‌ కొలికిపోగు రామక్రిష్ణ ఉత్తమ సామాజిక ఆవిష్కరణ ప్రాజెక్ట్‌ అవార్డుకు ఎంపికయ్యారు. శుక్రవారం హైదరాబాద్ గచ్చిబౌలి టి హబ్‌లో జరిగిన తెలంగాణ ఐటీ అసోసియేషన్‌ దశాబ్ది ఉత్సవాల్లో విస్డం సొసైటీ చేసిన సేవలకు గాను, తెలంగాణ ఉత్తమ సామాజిక విభాగంలో అవార్డును అందజేసారు. గ్లోబల్‌ చైర్మన్‌ సందీప్‌ ముక్తాల చేతులమీదుగా ఈ అవార్డును ప్రధానం చేసారు. ఈ కార్యక్రమానికి ముఖ్య అతిథులుగా ఐటీ సెక్రటరీ జయేష్‌ రంజన్‌, సుద్దాల అశోక్‌ తేజ, తెలంగాణ అధికార భాషా సంఘం చైర్మన్‌ శ్రీదేవి, ప్రొఫెసర్‌ ఎ.వినయ బాబు, ప్రముఖ వ్యక్తిత్వ వికాస నిపుణులు డాక్టర్‌ వీరేంద్ర, టి హబ్‌ డైరెక్టర్‌ శ్రీనివాసరావు తదితరులు పాల్గొన్నారు.
