- భారీ బతుకమ్మతో ప్రదర్శన
- ట్రాక్టర్‌ నడిపిన సండ్ర
నవతెలంగాణ-కల్లూరు
సకల జనుల బతుకమ్మ వేడుకలు ఎమ్మెల్యే సండ్ర వెంకటవీరయ్య ఆధ్వర్యంలో శనివారం రాత్రి పట్టణంలో ఘనంగా నిర్వహించారు. పలు గ్రామాల నుండి వచ్చిన మహిళలు పలు కార్యాలయంలోని సిబ్బంది వివిధ రకాల పూలతో బతుకమ్మలు పేర్చుకొని జూనియర్‌ కాలేజీ నుండి కొత్త బస్టాండ్‌ వరకు కోలాటంతో ప్రదర్శన నిర్వహించారు. ఈ సందర్భంగా సత్తుపల్లి శాసనసభ్యులు సండ్ర వెంకట వీరయ్య భారీ బతుకమ్మ ఏర్పాటు చేసిన ట్రాక్టర్‌ ను నడపడం ఆకట్టుకుంది. అనంతరం బస్టాండ్‌లో బతుకమ్మలాడారు. ఈ సందర్భంగా ఎమ్మెల్యే మాట్లాడుతూ ప్రజల అందరినీ సుఖశాంతులతో సంపూర్ణ ఆరోగ్యంగా జీవించే విధంగా చూడాలని బతుకమ్మతల్లిని కోరారు. ఈ కార్యక్రమంలో ఎంపిపి బీరవల్లి రఘు, జెడ్పీటీసీ కట్టా అజరు కుమార్‌, టి ఆర్‌ఎస్‌ మండల కమిటీ అధ్యక్షులు పాలెపు. రామారావు, పసుమర్తి.చంద్రరావు, లక్కినేని.రఘు, డిసిసిబి డైరెక్టర్‌ బి .లక్ష్మణరావు, పి.రామకృష్ణ, కె.ప్రసాద్‌ మండల అధికారులు, మహిళలు పెద్ద ఎత్తున పాల్గొన్నారు.
పెనుబల్లి : బతుకమ్మ సంబరాల ఉత్సవాలలో భాగంగా శనివారం పెనుబల్లి వచ్చిన ఎమ్మెల్యే సండ్ర వెంకటవీరయ్యకు మహిళలు పెద్ద సంఖ్యలో బతుకమ్మలతో ఘనస్వాగతం పలికారు. వివిధ గ్రామాల నుండి పెద్ద సంఖ్యలో మహిళలు ఎంపీడీవో కార్యాలయానికి చేరుకొని బతుకమ్మను పేర్చి ప్రదర్శనగా ఎండిఓ కార్యాలయం నుండి విఎం బంజర్‌ రింగ్‌ సెంటర్‌ వరకు తరలి వెళ్లారు. ఎమ్మెల్యే సండ్ర ప్రదర్శనలో పాల్గొన్నారు. రింగు సెంటర్లో మహిళలు బతుకమ్మ పాటలు పాడి ఆడారు. ఈ సందర్భంగా ఎమ్మెల్యే మాట్లాడుతూ దేశంలోనే తెలంగాణ రాష్ట్రాన్ని ముఖ్యమంత్రి కేసీఆర్‌ ఆదర్శవంతమైన రాష్ట్రంగా అభివృద్ధి వైపు తీసుకెళుతున్నారు. ఈ కార్యక్రమంలో ఏసీపీ వెంకటేశ్‌, సీఐ హనూక్‌, ఎంపీపీ లక్కినేని అలేఖ్య వినీల్‌, ఎంపీటీసీ ఝాన్సీ, సీఐ హనూక్‌, అంగన్వాడి, గ్రామీణ ఉపాధి హామీ పథకం, డ్వాక్రా మహిళలు, టీఆర్‌ఎస్‌ నాయకులు కనగాల వెంకట్రావు, చక్కిలాల లక్ష్మణరావు, చింత నిప్ను సత్యనారాయణ, బెల్లంకొండ చలపతి, పసుమర్తి వెంకటేశ్వరరావు తాళ్లూరి శేఖర్‌, లగడపాటి శ్రీనివాసరావు, పెనుబల్లి వి.ఎం. బంజర్‌ సర్పంచులు తావు నాయక్‌, పంతులి, కొప్పుల గోవిందరావు, శీలం వెంకటేశ్వర్‌ రెడ్డి, భద్రారెడ్డి, నాగదాసు, వంగా నిరంజన్‌, చెలికాని నీలాద్రి బాబు, గోదా నరసింహారావు, భూక్య ప్రసాద్‌, పాల్గొన్నారు.
