నవతెలంగాణ-బూర్గంపాడు
మండలంలోని సారపాక బ్రిలియంట్‌ హై స్కూల్‌, జూనియర్‌ కాలేజ్‌లో ఆదివారం గాంధీ జయంతిని ఘనంగా నిర్వహించారు. ఈ సందర్భంగా బ్రిలియంట్‌ విద్యా సంస్థల చైర్మన్‌ బిఎన్‌ఆర్‌ మహాత్మునికి పూల మాల వేశారు. అనంతరం ఆయన మాట్లాడుతూ నా జీవితమే నా సందేశం అని చాటి చెప్పిన మహనీయుడు గాంధీజీ అని ఆయన అన్నారు. అహింసా మార్గంలోనే బ్రిటీష్‌ సామ్రాజ్యాన్ని గడగడ లాడించిన వ్యక్తి గాంధీ ఆయన నమ్మిన సిద్ధాంతం నడిపిన ఉద్యమాలు ఒకదానితో ఒకటి ముడిపడి ఉన్నాయన్నారు. భారత దేశానికి స్వేచ్ఛా స్వాతంత్య్రంన్ని అందించిన మహనీయుడు గాంధీ అని ఆయన అన్నారు. ఆయన ఎంచుకున్న అహింసా మార్గం యావత్‌ ప్రపంచానికి స్ఫూర్తిగా నిలిచిందన్నారు. ఈ కార్యక్రమంలో బ్రిలియంట్‌ విద్యాసంస్థల అధినేత బిఎన్‌ఆర్‌, హెడ్‌ మిస్సెస్‌ స్వర్ణ కుమారి పాల్గొన్నారు.