నవతెలంగాణ - వైరాటౌన్‌
వైరా మండలం కేజీ సిరిపురం గ్రామంలో మంగళవారం వైరా మాజీ శాసనసభ్యులు బాణోత్‌ మదన్‌ లాల్‌ పర్యటించారు. ఈ సందర్భంగా గ్రామంలో రోడ్డు ప్రమాదంలో గాయపడిన వాసిరెడ్డి రవి ఇంటికి వెళ్ళి పరామర్శించి ఆరోగ్య పరిస్థితి అడిగి తెలుసుకున్నారు. గ్రామ సర్పంచ్‌ మట్టూరు సత్య ప్రసన్నాంబ, మట్టూరి నాగేశ్వరరావు దంపతులను కలిశారు. అనంతరం ఇటీవల మరణించిన సాదినేని వెంకట నరసమ్మ ఇంటికి వెళ్లి ఆమె కూతురు కిలారి రాధా మనవడు కిలారి కిషోర్‌ ను పరామర్శించారు. ఈ కార్యక్రమంలో శెట్టిపల్లి శ్రీనివాసరావు, అయినాల కనకరత్నం, పునాటి వెంకటేశ్వరరావు, మాదినేని దుర్గాప్రసాద్‌, కొత్త వెంకటేశ్వరావు, నారపోగు కిరణ్‌, చంద్రం, నల్లమోతు లక్ష్మీనారాయణ, తోటకూర వీరబాబు యాదవ్‌ తదితరులు పాల్గొన్నారు.
విప్పలమడకలో పూజలు నిర్వహించిన మదన్‌లాల్‌
వైరా మండలం విప్పలమడక గ్రామంలో దేవి నవరాత్రులలో భాగంగా గ్రామంలో ఏర్పాటు చేసిన అమ్మవారి విగ్రహం వద్ద మంగళవారం వైరా మాజీ శాసనసభ్యులు బాణోత్‌ మదన్‌ లాల్‌ ప్రత్యేక పూజలు నిర్వహించారు. అనంతరం అన్నదాన కార్యక్రమాన్ని మందన్‌ లాల్‌ ప్రారంభించారు .ఈ కార్యక్రమంలో పలువురు గ్రామస్తులు, పలువురు నాయకులు పాల్గొన్నారు.
