నవతెలంగాణ - వైరా టౌన్‌
            వైరా ప్రభుత్వ ప్రాథమిక ఉన్నత పాఠశాలలో 2002-03వ సంవత్సరంలో పదవ తరగతి చదివిన పూర్వ విద్యార్థుల ఆత్మీయ సమ్మేళనం మంగళవారం నిర్వహించారు. మెరుగు రాజేష్‌ ఆధ్వర్యంలో జరిగిన కార్యక్రమంలో అప్పటి గురువులు ఏసుదాసు, శ్రీనివాసరావులను సన్మానించారు. ఈ సందర్భంగా మెరుగు రాజేష్‌ మాట్లాడుతూ 20 సంవత్సరాల తర్వాత పూర్వ విద్యార్థుల కలయిక చాలా ఆనందాన్ని కలిగించిందని, విద్యార్థులందరూ తమ వృత్తిలో అభివృద్ధి చెందాలని కోరారు. ఈ సందర్బంగా గత స్మృతులను జ్ఞాపకం చేసుకుని రోజంతా ఆనందంగా గడిపారు. కార్యక్రమ ంలో పూర్వ విద్యార్థులు నరసింహా రావు, గాంధీ, ప్రవీణ్‌, సురేష్‌, నజీర్‌, సుధాకర్‌, శ్రీకాంత్‌, గోపికృష్ణ, ఓంకార్‌ పాల్గొన్నారు.