- ఇరువురికి తీవ్ర గాయాలు
- సకాలంలో స్పందించిన ఎస్‌ఐ
నవతెలంగాణ-అశ్వారావుపేట
ద్విచక్ర వాహనాలు ఎదురెదురుగా ఢీ కొన్న సంఘటనలో ఇరువురికి తీవ్ర గాయాలు అయ్యాయి. ఎస్‌ఐ అరుణ తెలిపిన సమాచారం ప్రకారం... గురువారం అశ్వారావుపేట మండలం, మల్లాయిగూడెం వాసి తన ద్విచక్రవావనం పై అశ్వారావుపేట వస్తున్నాడు. అదే సమయంలో ఆంధ్రప్రదేశ్‌, ఏలూరు జిల్లా, తీగలంచ నర్సాపురం వాసి నైనారపు వంశీ అశ్వారావుపేట నుండి నారాయణపురం తన ద్విచక్ర వావనం పై వెళ్తున్నాడు. ఈ క్రమంలోమండలంలోని ఉట్లపల్లి పంచాయతీ తిమ్మాపురం సమీపంలో ఈ రెండు ద్విచక్ర వాహనాలు ఎదురెదురుగా ఢకొీనడంతో పల్సర్‌ బైక్‌ పై ఉన్న బాలుడితో సహా భార్యా భర్తలకు, మరో ఇరువురికి తీవ్ర గాయాలు అయ్యాయి. విషయం తెలుసుకున్న ఎస్‌.అరుణ హుటాహుటిన సంఘటనా స్థలానికి చేరుకుని క్షతగాత్రులను తన వాహనంలో అశ్వారావుపేట ప్రభుత్వ ఆసుపత్రికి తరలించి, వైద్యం అందేలా చూసారు. మహిళ పరిస్థితి విషమంగా ఉండటంతో ఖమ్మం హాస్పిటల్‌కి తరలించారు. బాధితులు నుండి ఇంకా ఫిర్యాదు అందలేదని తెలిపారు.
