- పూర్వ విద్యార్థుల రజతోత్సవ వేడుకలు
నవతెలంగాణ-జూలూరుపాడు
ఆనాటి జ్ఞాపకాలు ఎప్పటికీ మధురస్మృతులేనని (1996-1997) నాటి విద్యార్థులు ఈ నాటి పలువురు ప్రముఖులు పేర్కొన్నారు. మండలంలోని జిల్లా పరిషత్‌ ఉన్నత పాఠశాలలో 1996-97 మధ్య పదో తరగతి చదువుకున్న విద్యార్థులు దేశ విదేశాలలోను, ప్రభుత్వ, ప్రైవేటు రంగంలో స్థిరపడిన వారు గురువారం మండలంలోని యల్లంకి గార్డెన్‌లో ఒకే చోట కలుసుకుని రజతోత్సవ వేడుకలు జరుపుకున్నారు. పాత జ్ఞాపకాలను నెమరు వేసుకున్నారు. దాదాపు 25 ఏళ్ళ తరువాత ఈ ఆత్మీయ సమ్మేళనం ఏర్పాటు చేసుకున్నాం అంటూ ఆనంద భాష్పాలతో వారి గత అనుభవాలను నెమరు వేసుకున్నారు. ఈ కార్యక్రమాన్ని ఉద్దేశించి పూర్వ విద్యార్థులు స్వర్ణ నర్సింహారావు మాట్లాడారు. ఈ కార్యక్రమాల్లో పూర్వ విద్యార్థులు స్వర్ణ నరసింహా రావు, టి.నవీన్‌, వై.రామాచారి, చీకటి ప్రసాద్‌, వై.వెంకటేశ్వరరావు, పెరసాని ప్రసాద్‌, వరలక్ష్మి, పాలెపు సత్యనారాయణ, నూర్జహాన్‌, మధార్బీ, జ్యోతి, నున్న నరసింహారావు, బండ్ల వెంకటేశ్వరరావు, రంజిత్‌, కలిశెట్టి వెంకటేశ్వరరావు, సాయిల రమేష్‌, ఎం.వెంకటేశ్వరరావు, బి.నవీన్‌, రాయి నిర్మల, బి.రమేష్‌ పాల్గొన్నారు.