నవతెలంగాణ-బూర్గంపాడు
కాంగ్రెస్‌ పార్టీ కార్యాలయంలో టీపీసీసీ సభ్యులు తాళ్లూరి చక్రవర్తిని మండల కాంగ్రెస్‌ పార్టీ ఆధ్వర్యంలో గురువారం ఘనంగా సన్మానించారు. ఈ సందర్భంగా సన్మాన గ్రహీత చక్రవర్తి మాట్లాడుతూ తన మీద నమ్మకంతో ఇంత పెద్ద భాద్యత అప్పగించిన సీఎల్‌పీ నాయకులు భట్టి విక్రమార్కకు, డీసీసీ అధ్యక్షులు పొదెం వీరయ్యకు ప్రత్యేక కృతజ్ఞతలు ఆయన తెలిపారు. పార్టీ అభివృద్ధికి శక్తి వంచన లేకుండా కృషి చేస్తానని ఆయన అన్నారు. అభివృద్ధి పేరు చెప్పి పార్టీ మారిన రేగా కాంతారావు గడచిన నాలుగు సంవత్సరాలలో సొంత అభివృద్ధి తప్ప నియోజకవర్గ ప్రజలకు చేసిన అభివృద్ధి ఏమిటో చూపించాలన్నారు. ఈ కార్యక్రమంలో కాంగ్రెస్‌ పార్టీ మండల ప్రధాన కార్యదర్శి చల్లా వెంకట నారాయణ, బి-బ్లాక్‌ మహిళా అధ్యక్షురాలు బర్ల నాగమణి, బూర్గంపాడు టౌన్‌ అధ్యక్షుడు మందా నాగరాజు, మండల సీనియర్‌ నాయకులు యారం నాగి రెడ్డి, కువ్వారపు వెంకటేష్‌, భాగి వెంకట్రావు, లక్ష్మణ్‌, మండల మహిళా వర్కింగ్‌ ప్రెసిడెంట్‌ మైపా మణి, ఆవుల వెంకట రవణమ్మ పాల్గొన్నారు.
