- సత్తుపల్లిలో మోదీ దిష్టిబొమ్మ దహనం
నవతెలంగాణ- సత్తుపల్లి
          ఇతర రాష్ట్రాలో మాదిరిగా ప్రభుత్వాలను కూలదోసేందుకు మోడీ, అమిత్‌షాల పాచికలు తెలంగాణలో చెల్లవని సత్తుపల్లి టీఆర్‌ఎస్‌ నాయకులు బీజేపీపై తీవ్రస్థాయిలో ధ్వజమెత్తారు. టీఆర్‌ఎస్‌ ఎమ్మెల్యేలను డబ్బుతో ప్రలోభపెట్టేందుకు అజీజ్‌నగర్‌లో బుధవారం రాత్రి పట్టుబడిన బీజేపీ మీడియేటర్ల బాగోతాన్ని నిరసిస్తూ గురువారం సత్తుపల్లిలో ప్రధాని మోదీ, అమిత్‌సా దిష్టిబొమ్మలను టీఆర్‌ఎస్‌ శ్రేణులు దహనం చేశాయి. స్థానిక బస్టాండ్‌ రింగు సెంటరులో జరిగిన ఈ నిరసన కార్యక్రమంలో కౌన్సిలర్లు మట్టా ప్రసాద్‌, నాగుల్‌ మీరా, నాయకులు నడ్డి ఆనందరావు, అమరవరపు కృష్ణారావు, బుడేన్‌, శ్రీనివాసరావు పాల్గొన్నారు.