నవతెలంగాణ-భద్రాచలం
మాజీ భారత ప్రధాని, భారతరత్న స్వర్గీయ ఇందిరా గాంధీ 38వ వర్ధంతి సందర్భంగా పట్టణ కాంగ్రెస్‌ అధ్యక్షులు సరేళ్ళ నరేష్‌ ఆధ్వర్యంలో భద్రాచలం బ్రిడ్జి సెంటర్‌ నందు గల ఇందిరా గాంధీ విగ్రహానికి సోమవారం పూలమాలలు వేసి నివాళి ఘటించారు. మాజీ గ్రంధాలయ చైర్మన్‌ భోగాల శ్రీనివాస్‌ రెడ్డి ఈ సందర్భంగా మాట్లాడారు. కార్యక్రమంలో ఎస్సీ సెల్‌ నాయకులు వెంకట నరసయ్య, భూక్య రంగ, డివిజన్‌ యూత్‌ కాంగ్రెస్‌ అధ్యక్షులు చింతిరేల సుధీర్‌, జిల్లా యూత్‌ కాంగ్రెస్‌ జనరల్‌ సెక్రటరీ ఎడారి ప్రదీప్‌ తదితరులు పాల్గొన్నారు.
పినపాక : ఇందిరా గాంధీ వర్ధంతి వేడుకలు ఏడూళ్ల బయ్యారం క్రాస్‌ రోడ్డు కాంగ్రెస్‌ పార్టీ కార్యాలయంలో మండల అధ్యక్షులు గొడిశాల రామనాధం అధ్యక్షతన ఘనంగా నిర్వహించారు. ఇందిరా గాంధీ చిత్ర పటానికి పూలమాల వేసి నివాళులు అర్పించారు. అనంతరం ప్రభుత్వ ఆసుపత్రి నందు రోగులకు బ్రెడ్‌, పండ్లు పంపిణీ చేశారు. ఉపాధ్యక్షులు శ్రీను, లక్ష్మీనారాయణ, బీసీ సెల్‌ ప్రెసిడెంట్‌ వెంకటేశ్వర్లు, మురళి తదితరులు పాల్గొన్నారు.
దుమ్ముగూడెం : ఉక్కు మహిళ ఇందిరా గాంధీ అని కాంగ్రెస్‌ పార్టీ మండల అధ్యక్షులు లంక శ్రీనివాసరావు అన్నారు. సోమవారం ఇందిరాగాంధీ వర్ధంతిని పురస్కరించుకుని లక్ష్మీ నగరం మండల కాంగ్రెస్‌ పార్టీ కార్యాలయంలో పూలమాలలు వేసి ఘనంగా నివాళులు అర్పించారు. ములకపాడు ప్రభుత్వ ఆసుపత్రి నందు రోగులకు పండ్లు, పాలు అందజేశారు. మాజీ మండల కాంగ్రెస్‌ అధ్యక్షులు బైరెడ్డి సీతారామారావు సీనియర్‌ నాయకులు సిరపు అప్పలరెడ్డి, వేమనరెడ్డి, మాజీ సర్పంచ్‌ కంగాల వెంకటేష్‌, భద్రాచలం అసెంబ్లీ డివిజన్‌ యూత్‌ సెక్రటరీ లంక శివ, మండల యూత్‌ అధ్యక్షులు కోడి చంటి, కుర్సం ప్రసాద్‌, తదితరులు పాల్గొన్నారు.
కొత్తగూడెం : భారత దేశానికి మహిళా ప్రధానిగా ఎన్నో సేవలందించిన ఇందిరాగాంధీ ప్రపంచ దేశాలు కీర్తించాయని కాంగ్రెస్‌ లక్మిదేవిపల్లి మండల అధ్యక్షులు సకినాల వెంకటేశ్వరావు అన్నారు. సోమవారం జిల్లా కాంగ్రెస్‌ కార్యాలయంలో లక్మిదేవిపల్లి మండల అధ్యక్షులు సకినాల వెంకటేశ్వరావు ఆధ్వర్యంలో ఘనంగా ఇందిరాగాంధీ 39వ వర్దంతిని నిర్వహించారు. ముందుగా ప్రియదర్శిని ఇందిరా గాంధీ చిత్ర పటానికి పూలమాల వేసి నివాళి అర్పించారు. ఈ కార్యక్రమములో చుంచుపల్లి మండల అధ్యక్షులు అంథొటి పాల్‌, జిల్లా కాంగ్రెస్‌ నాయకులు ఏలూరి రాజేష్‌ కుమార్‌, లక్మిదేవిపల్లి మండల ఎస్సి సెల్‌ అధ్యక్షులు కొప్పుల రమేష్‌, కాంగ్రెస్‌ నాయకులు తదితరులు పాల్గొన్నారు.
బూర్గంపాడు : మండలం కాంగ్రెస్‌ పార్టీ కార్యాలయంలో సోమవారం ఘనంగా మాజీ ప్రధాని ఇందిరా గాంధీ వర్ధంతి వేడుకలను కాంగ్రెస్‌ పార్టీ బి- బ్లాక్‌ మహిళా అధ్యక్షురాలు బర్ల నాగమణి ఆధ్వర్యంలో ఘనంగా నిర్వహించారు. మాజీ ప్రధాని ఇందిరా గాంధీ చిత్ర పటానికి పూలమాల వేసి ఘన నివాళులు అర్పించి, మాట్లాడారు. ఈ కార్యక్రమంలో సత్యం, పుట్టి లక్ష్మి, నాగలక్ష్మి, వెంకట రమణ, రమేష్‌, సత్యనారాయణ, రామచంద్రయ్య, ఎస్కే మైబు తదితరులు పాల్గొన్నారు.
