- జాతీయ గ్రంథాలయ వారోత్సవాల్లో వనమా
నవతెలంగాణ-కొత్తగూడెం
గ్రంథాలయాలు సరస్వతి నిలయాలని శాసనసభ్యులు వనమా వెంకటేశ్వరరావు అన్నారు. సోమవారం కొత్తగూడెంలోని ఇండియన్‌ మెడికల్‌ అసోసియోషన్‌ (ఐఎంఏ) హల్‌లో 55వ జాతీయ గ్రంథాలయ వారోత్సవాల వేడుకలను జ్యోతి ప్రజ్వలన చేసి ఆయన ప్రారంభించారు. ఈ సందర్భంగా వనమా మాట్లాడుతూ గ్రంథాలయం వల్ల అనేక ఉపయోగాలు ఉన్నాయని, ఉద్యోగార్తులు, విద్యార్థులకు ఎంతగానో మేలు చేస్తాయన్నారు. ఈ కార్యక్రమంలో జిల్లా గ్రంథాలయ కమిటీ చైర్మన్‌ దిండిగల రాజేందర్‌, మార్కెట్‌ కమిటీ చైర్మన్‌ భూక్యా రాంబాబు, గ్రంథాలయ కమిటీ డైరెక్టర్‌ మోరే భాస్కర్‌, గ్రంథ పాలకురాళ్లు డి.వరలక్ష్మి, జి.మణి మృధుల, వివిధ శాఖగ్రంథాలయ ఉద్యోగులు, విద్యార్థులు, తదితరులు పాల్గొన్నారు.