నవతెలంగాణ-ఖమ్మం
తెలంగాణ రైతాంగ సాయుధ పోరాట యోధుడు వజ్జా వెంకయ్య 2 వర్ధంతి సభ మంగళవారం సాయంత్రం తల్లంపాడు గ్రామంలో పార్టీ మండల నాయకులు యామన ఉపేందర్‌ అధ్యక్షతన జరిగింది. వజ్జా వెంకయ్య స్తూపం వద్ద పూలు పెట్టి నివాళులర్పించారు. ఈ సందర్భంగా జరిగిన సభలో సీపీఐ(ఎం) జిల్లా కార్యదర్శివర్గ సభ్యులు బండి రమేష్‌ మాట్లాడుతూ తెలంగాణ రైతాంగ సాయుధ పోరాట యోధుడు మార్క్స్‌స్ట్‌ పార్టీ నాయకుడు కామ్రేడ్‌ వజ్జా వెంకయ్య పేద ప్రజల పక్షాన నిలబడి వారి సమస్యల పరిష్కారం కోసం పనిచేసిన మహానాయకుడు అని కొనియాడారు. పార్టీ మండల కార్యదర్శి నండ్ర ప్రసాద్‌ మాట్లాడుతూ ఈ ప్రాంతంలో మార్క్సిస్ట్‌ పార్టీని నిలబెట్టడంలో కీలకపాత్ర పోషించిన గొప్ప నాయకుడు వజ్జా వెంకయ్య అని అన్నారు. ఈ వర్ధంతి సభలో పార్టీ సీనియర్‌ నాయకులు డాక్టర్‌ బి.వెంకటేశ్వరరావు, శాఖా కార్యదర్శి పల్లె శ్రీనివాస్‌ రావు, డాక్టర్‌ బి.రంగారావు, నువ్వుల నాగేశ్వరరావు, బొగ్గరపు నాగేశ్వరరావు, ఇరుకులపాటి నాగేశ్వరరావు, వట్టికూటి నరేష్‌, కందన బోయిన వెంకటేశ్వర్లు, సురభి వెంకన్న, దరిపల్లి సైదులు పాల్గొన్నారు.
