- బాధిత కుటుంబానికి రూ.పదివేల ఆర్థిక సాయం
నవతెలంగాణ-బూర్గంపాడు
ఆపదలో ఉన్న వారికి తన వంతు సాయం చేయడంలో ఎప్పుడూ ముందు ఉండే బూర్గంపాడుకు చెందిన బీఆర్‌ఎస్‌ పార్టీ యువజన విభాగం మండల అధ్యక్షులు గోనెల నాని మరోసారి ఆర్థిక సహాయం అందజేసి మానవత్వాన్ని చాటుకున్నారు. ఇటీవల కాలంలో అనుకోని పరిణామాల వల్ల ద్విచక్ర వాహనం ఢకొీనడంతో మండల కేంద్రంలో నివసించే చెక్కా శ్రీకాంత్‌ యాక్సిడెంట్‌కి గురి కావడంతో కుటుంబ పోషణ కష్టసాధ్యంగా మారింది. ఆ కుటుంబం దిక్కుతోచని స్థితిలో అవస్థ పడుతున్నారని తెలుసుకున్న గోనెల నాని దృష్టికి రాగానే తాను చిన్నతనంలో కష్టపడ్డ కష్టం ఎవరికి రాకూడదని కష్టాల్లో ఉన్న మనిషికి తన వంతు సహాయ సహకారాలు అందించాలని లక్ష్యంతో ఆదివారం చెక్కా శ్రీకాంత్‌ కుటుంబాన్ని పరామర్శించి తన వంతు సహాయంగా రూ.పదివేలు కుటుంబానికి ఆర్థిక సాయం అందజేశారు. ఆపదలో ఆదుకునే వారిలో మొదటి వ్యక్తిగా మండలంలో అభిమానం చాటుకుంటున్న గోనెల నానికి చెక్కా శ్రీకాంత్‌ కుటుంబ సభ్యులు కృతజ్ఞతలు తెలిపారు. ఈ కార్యక్రమంలో బీఆర్‌ఎస్‌ పార్టీ యువజన విభాగం మండల ప్రధాన కార్యదర్శి ఎడమకంటి సుధాకర్‌ రెడ్డి, మండల ప్రచార కార్యదర్శి తోకల సతీష్‌, బీఆర్‌ఎస్‌ రెడ్డిపాలెం యూత్‌ జాయింట్‌ సెక్రెటరీ సుధాకర్‌, ఐనపాక ప్రసాద్‌, మండల పార్టీ నాయకులు మంద ప్రసాద్‌, ప్రవీణ్‌, ఖాదర్‌, బీఆర్‌ఎస్‌ గ్రామ కమిటీ నాయకులు తదితరులు పాల్గొన్నారు.
