- తానా మాజీ అధ్యక్షుడు తాళ్ళూరి జయ శేఖర్‌
నవతెలంగాణ-బూర్గంపాడు
అభివృద్ధికి ఎల్లవేళలా అండగా ఉంటానని తానా మాజీ అధ్యక్షులు తాళ్ళూరి జయ శేఖర్‌ అన్నారు. ఉత్తర అమెరికా తెలుగు సంఘం (తానా) మాజీ అధ్యక్షులు, ఎన్నారై ప్రతినిధి తాళ్ళూరి జయ శేఖర్‌కు బూర్గంపాడు జెడ్పీటీసీ కామిరెడ్డి శ్రీలత, రామ కొండారెడ్డి దంపతులు శుక్రవారం స్వాగతం పలికారు. బూర్గంపాడు మండలం లక్ష్మీపురంలోని జెడ్పీటీసీ కామిరెడ్డి శ్రీలత, రామ కొండారెడ్డి దంపతులను శుక్రవారం ఉత్తర అమెరికా తెలుగు సంఘం (తానా) మాజీ అధ్యక్షులు ఎన్నారై ప్రతినిధి తాళ్ళూరి జయ శేఖర్‌ స్వగృహానికి విచ్చేసి మర్యాదపూర్వకంగా కలిసి ప్రత్యేక సమావేశం అయ్యారు. ఈ సందర్భంగా రాష్ట్ర ప్రభుత్వం ప్రవేశ పెట్టిన మన ఊరు మనబడి కార్యక్రమానికి మండలంలోని ప్రభుత్వ పాఠశాల బలోపేతానికి సహాయ సహకారాలు అందించాలని వారిని పలువురు ప్రజా ప్రతినిధులు సూచించారు. అభివృద్ధిలో తాను ఎప్పుడు ఎల్లవే ళలా అండగా ఉంటానని, తన సహాయ సహకారాలు ఉంటాయని తాను కూడా భాగస్వామి అవుతానని ఆయన తెలిపారు. ఈ కార్యక్రమంలో బీఆర్‌ఎస్‌ పార్టీ మండల వర్కింగ్‌ ప్రెసిడెంట్‌ జలగం జగదీష్‌, సొసైటీ చైర్మన్‌ బిక్కసాని శ్రీనివాసరావు,ఇరవెండి మాజీ ఎంపీటీసీ వల్లూరిపల్లి వంశీకృష్ణ, బీఆర్‌ఎస్‌ పార్టీ నాయకులు పోతిరెడ్డి గోవింద్‌ రెడ్డి, బిట్రు సాయిబాబు, చుక్కా బాలాజీ, లక్ష్మీపురం వార్డు సభ్యులు పాలం దివాకర్‌ రెడ్డి, తాళ్లూరి శ్రీహరిబాబు, తదితరులు పాల్గొన్నారు.
