నవతెలంగాణ-మణుగూరు
టీఎస్‌ యూటీఎఫ్‌ రాష్ట్ర ఐదవ మహాసభల గోడ ప్రతులను జడ్పీటీసీ పోసం నరసింహారావు, ఎంపీపీ కారం విజయ కుమారి ఆవిష్కరించినట్టు మండల అధ్యక్ష, కార్యదర్శులు ఎస్కే మీరా హుస్సేన్‌, కారం సీతారాములు తెలిపారు. సోమవారం జిల్లా పరిషత్‌ కో ఎడ్యుకేషన్‌ పాఠశాలలో గోడ ప్రతులతో పాటు ప్యాకెట్‌ క్యాలెండర్‌ కూడా ఆవిష్కరించామని తెలిపారు. ఈ సందర్భంగా వారు మాట్లాడుతూ ఈ నెల 13, 14 తేదీలలో హైదరాబాద్‌లోని మన్నే గుడాలో తెలంగాణ రాష్ట్ర ఐక్య ఉపాధ్యాయ ఫెడరేషన్‌ రాష్ట్ర 5వ మసభలు జరుగనున్నాయని, కావున అన్ని జిల్లాల ఉపాధ్యాయులు హాజరై, మహాసభలను జయప్రదం చేయాలని పిలుపునిచ్చారు. ఈ కార్యక్రమంలో ముత్యాలమ్మ నగర్ సర్పంచ్‌ జంపెస్వరి, తోగ్గుడెం సర్పంచ్‌ బోగ్గం రజిత, వార్డ్‌ సభ్యులు చెన్న కేశవ రావు, బీ.నరసింహారావు, ఉపేంద్ర, కట్ట రాజకుమార్‌, యూటీఎఫ్‌ ఉపాధ్యక్షులు వెంకన్న, టీ.విజయలక్ష్మి తదితరులు పాల్గొన్నారు.
