నవతెలంగాణ-ఎర్రుపాలెం
బీఆర్‌ఎస్‌ లోక్‌ సభా పక్ష నేత, ఖమ్మం ఎంపీ నామ నాగేశ్వరరావు కృషితో ఎర్రుపాలెం మండలం నర్సింహాపురం గ్రామ రైతులు, ప్రజల కరెంట్‌ కష్టాలు తీరాయి. విద్యుత్‌ ట్రాన్స్‌ ఫార్మర్‌ కాలిపోయి గత కొంతకాలంగా ఇబ్బందిపడుతున్న రైతులు, గ్రామస్తులు ఈ విషయమై ఎంపీ నామను కలిసి, పరిస్థితి వివరించారు. ఎంపీ నామ వెంటనే స్పందించి ఈ విషయమై జిల్లా విద్యుత్‌ ఎస్‌ఇతో స్వయంగా మాట్లాడారు. ఆయన సత్వరమే స్పందించి, సంబంధిత అధికారులకు ఆదేశాలు జారీ చేశారు. దీంతో స్థానిక సిబ్బంది తాజాగా పాతదాని స్థానంలో కొత్త విద్యుత్‌ ట్రాన్స్‌ ఫార్మర్‌ ఏర్పాటు చేశారు. దీంతో రైతుల వెతలు తీరినట్లయింది.
మీ స్నేహితులకు రికమెండ్ చెయ్యండి
