- విజేతలకు బహుమతులు
నవతెలంగాణ-అశ్వారావుపేట
కేసీజీఎఫ్‌ 106 ఎ, రీజన్‌ 3 జోన్‌ 2 వాసవి క్లబ్‌, అధ్యక్షులు శీమకుర్తి సుబ్బారావు ఆధ్వర్యంలో స్థానిక వాసవి కన్యకా పరమేశ్వరి ఆలయంలో గురువారం రంగవల్లులు నిర్వహించారు. వాసవి క్లబ్‌ గవర్నర్ వి.ఎన్‌ సిల్వర్‌ స్టార్‌ కేసీజీఎఫ్‌ దోస పాటి వెంకటేశ్వరరావు పుట్టినరోజు సందర్భంగా, సంక్రాంతి పండుగ పురస్కరించుకొని ఈ రంగవల్లులు ఏర్పాటు చేసారు. విజేతలైన పద్మావతి, సత్యవాణి, పూజితలకు ప్రధమ, ద్వితీయ, తృతీయ బహుమతులతో పాటు గోల్డ్‌ మెడల్‌, మెమెంటో అందజేసారు. అమృత, రమ్య, కేతనలకు కన్షోలేషన్‌ బహుమతులు, ఇందులో పాల్గొన్న ప్రతి ఒక్కరికి బహుమతి అందించారు. ఈ కార్యక్రమంలో వీ.ఎన్‌ కేసీజీఎఫ్‌ కపుల్‌ స్టార్‌ డాక్టర్‌ పెండ్యాల రోజా లక్ష్మి, బోగవల్లి రాంబాబు, రీజియన్‌ సెక్రెటరీ అత్తులూరి పురు షోత్తం, అశ్వారావుపేట వాసవి క్లబ్‌ ఫౌండర్‌ అధ్యక్షులు కోరుకొండ రామ్మోహన్‌ రావు, వాసవి కన్యకా పరమేశ్వరి దేవస్థానం అధ్యక్షులు ముత్తా సుమాకర్‌, సీడీపీఓ రోజా రాణి, సూపర్వైజర్లు, పలువురు పాల్గొన్నారు.
