నవతెలంగాణ- ఖమ్మం
మహనీయుల జీవిత చరితలు నేటి యువతకు తెలిసే విధంగా వారి చిత్రపటాలతో క్యాలెండర్‌ తీయడం అభినందనీయమని, మహనీయుల జీవిత చరిత్ర నేటి యువత తెలుసుకోవాలని మహిళా ప్రాంగణం జిల్లా అధికారి వేల్పుల విజేత, 58వ కార్పొరేటర్‌ దోరేపల్లి శ్వేత, రాష్ట్ర నాయకులు నున్నా నాగేశ్వరరావు, 49వ కార్పొరేటర్‌ దుద్దుకూరు వెంకటేశ్వర్లు పిలుపునిచ్చారు. గురువారం ఖమ్మంలోని మంచికంటి ఫంక్షన్‌హాల్‌లో డివైఎఫ్‌ఐ జిల్లా అధ్యక్షుడు మద్దాల ప్రభాకర్‌ అధ్యక్షతన జరిగిన డివైఎఫ్‌ఐ 2023 క్యాలెండర్‌ ఆవిష్కరించారు. ఈ సందర్భంగా వారు మాట్లాడుతూ సమాజ సేవలో యువత ముందుండాలని, అట్లాంటి సేవలో డివైఎఫ్‌ఐ ముందుంటుందన్నారు. భారతదేశ ముందుకు పోవాలంటే యువత సక్రమమైన మార్గంలో ఉండాలని అన్నారు. డివైఎఫ్‌ఐ జిల్లా కార్యదర్శి షేక్‌ బషీరుద్దీన్‌ మాట్లాడుతూ ఉద్యమాల్లో ముందుంటున్న డివైఎఫ్‌ఐకి క్యాలెండర్‌ యాడ్స్‌ ఇచ్చి సహకరిస్తున్న వారందరికీ కూడా డివైఎఫ్‌ఐ జిల్లా కమిటీ తరఫున ధన్యావాదాలు తెలిపారు. మీరు ఇచ్చిన స్ఫూర్తితో మరిన్ని ఉద్యమాలు చేసి యువతను సక్రమమైన మార్గంలో పెట్టేందుకు మరిన్ని కార్యక్రమాలు నిర్వహిస్తామని అన్నారు. ప్రముఖ వైద్యులు అనుదీప్‌, దూదేకుల సంఘం రాష్ట్ర కార్యదర్శి షేక్‌ బాషా, రైతు సంఘం జిల్లా నాయకులు బండి రమేష్‌, టైనీటాట్స్‌ స్కూల్‌ చైర్మన్‌ భాస్కర్‌, చక్రి స్కూల్‌ చైర్మన్‌ చక్రధర్‌, బివికే జనరల్‌ మేనేజర్‌ వై శ్రీనివాసరావు, కార్పొరేటర్‌ బుర్రి వెంకట్‌ కుమార్‌, కైట్స్‌ అకాడమీ చైర్మన్‌ తిరుపతి, చంద్రశేఖర్‌, తార హాస్పిటల్స్‌ పురుషోత్తమ రెడ్డి, స్వామి, స్వచ్ఛ టీవీ గోపాలకృష్ణ, షేక్‌ అఫ్జల్‌ తదితరులు మాట్లాడారు. ఈ కార్యక్రమంలో డివైఎఫ్‌ఐ జిల్లా సహాయ కార్యదర్శిలు చింతల రమేష్‌, శీలం వీరబాబు, కనపర్తి గిరి, గుమ్మ మూతరావు, జిల్లా ఉపాధ్యక్షులు భూక్య ఉపేందర్‌ నాయక్‌, పఠాన్‌ రోషిని ఖాన్‌, సత్తెనపల్లి నరేష్‌, కూరపాటి శ్రీను, జిల్లా కమిటీ సభ్యులు సురేష్‌, పొన్నం మురళి, జక్కంపూడి కృష్ణ, భయ్యా బాలాజీ, శభాష్‌ రెడ్డి, సునీల్‌, రావులపాటి నాగరాజు, తరంగి పాపారావు, ఎర్ర సాయి, శ్రీను, రెహమాన్‌, షైక్‌ షరీఫ్‌, అల్లుడు దుర్గ, బింగి రమేష్‌, భాస్కర్‌, వర్షిత్‌ తదితరులు పాల్గొన్నారు.
