- అయోమయంలో నాయకులు, కార్యకర్తలు
- బీఆర్‌ఎస్‌ పార్టీ ముఖ్య కార్యక్తల ముఖ్య సమావేశం
నవతెలంగాణ-జూలురుపాడు
బీఆర్‌ఎస్‌ పార్టీ జూలూరుపాడు మండల ప్రధాన కార్యదర్శి నున్న రంగారావు వారి జామ తోటలో బీఆర్‌ఎస్‌ పార్టీ ముఖ్య నాయకుల సమావేశం ఏర్పాటు చేశారు. ఈ సమావేశంలో ముఖ్య నాయకులు పాల్గొనివారు మాట్లాడుతూ.. వైరా శాసనసభ్యులు, లావుడియా రాములు నాయక్‌ గెలుపు కోసం అలుపెరగని కష్టపడ్డమన్నారు. అలాగే మళ్లీ రెండోసారి గెలుపు కోసం అహర్నిశలు కృషి చేసి భారీ మెజార్టీతో గెలిపించుకుని మండలాన్ని అభివృద్ధి చేసే విధంగా కృషి చేస్తామని వారు అన్నారు. ఈ నెల 18న జరిగిన ఖమ్మంలో జరిగిన బీఆర్‌ఎస్‌ బహిరంగకు ప్రస్తుతం ఉన్న మండల పార్టీ బాధ్యులు మమ్మల్ని పట్టించుకోకుండా వారి వర్గానికి పిలిపించుకుని వారికే కొమ్ము కాస్తున్నాడని దీని గురించి ఎమ్మెల్యేకు ఫిర్యాదు చేస్తామన్నారు. ఈ సమావేశంలో రైతు సమన్వయ సమితి మండల అధ్యక్షులు, యద్దళపల్లి వీరభద్రం, బీఆర్‌ఎస్‌ పార్టీ మండల ప్రధాన కార్యదర్శి నున్న రంగారావు, బీఆర్‌ఎస్‌ పార్టీ మాజీ మండల అధ్యక్షుడు చౌడం నరసింహారావు, నాయకులు మోదుగు రామకృష్ణ, వాసు, రామ్‌ శెట్టి రాంబాబు, మాజీ ఎంపీటీసీ పుప్పల నరసింహారావు కార్యకర్తలు పాల్గొన్నారు.
