- షీ టీం ఎస్‌ఐ రమాదేవి
నవతెలంగాణ-చండ్రుగొండ
            మండల కేంద్రంలో గల జిల్లా పరిషత్‌ ఉన్నత పాఠశాలలో తెలంగాణ పోలీసు మహిళా భద్రత విభాగం వారు 9, 10వ తరగతి విద్యార్థినీ, విద్యార్థులకు ప్రవర్తన, సైబర్‌ నేరాలు మొదలగు అంశాలపై అవగాహన సదస్సును శుక్రవారం నిర్వహించారు. పాఠశాల ప్రధానోపాధ్యాయులు ఉండేటి ఆనందకుమార్‌ అధ్యక్షతన జరిగిన ఈ అవగాహన సదస్సులో షీ టీం సబ్‌ ఇన్స్పెక్టర్‌ పి.రమాదేవి మాట్లాడుతూ విద్యార్థులు మంచి ప్రవర్తనను కలిగి ఉండాలని, క్రమశిక్షణతో మంచి అలవాట్లు నేర్చుకోవాలని, రోజు పాఠశాలకు యూనిఫామ్‌ ధరించి రావాలని చెప్పారు. ఈ కార్యక్రమంలో చండ్రుగొండ ఏఎస్‌ఐ కృష్ణారావు, ఉపాధ్యాయులు మంజు శ్రీ, డి.నరసింహారావు, ఎండి వాజిద్‌ ఏ.లక్ష్మణ్‌, శకుంతల, బి.కృష్ణ, షేక్‌ కైసరి బేగం, షీ టీమ్స్‌ కానిస్టేబుల్స్‌ పాల్గొన్నారు.