నవతెలంగాణ-దమ్మపేట
మండలంలోని జమీందార్‌ బంజర్‌లో క్రీడా మైదానాన్ని ఎమ్మెల్యే మెచ్చా నాగేశ్వరరావు స్థానిక ప్రజా ప్రతినిదులతో కలిసి సోమవారం ప్రారంభించారు. అనంతరం క్రీడాకారులతో కలిసి ఎమ్మెల్యే వాలీబాల్‌ ఆడారు. ఈ సందర్భంగా ఎమ్మెల్యే మాట్లాడుతూ ప్రతిరోజూ ఆటలు ఆడడం వల్ల శారీరక ధృఢత్వంతో పాటు మానసికంగా ఉల్లాసంగా ఉంటారని, ప్రజలకు ఆరోగ్య వాతావరణాన్ని కల్పించేందుకు సీఎం కేసీఆర్‌ పట్టణ, గ్రామీణ క్రీడా మైదానాలు ప్రారంభించాలని ఆదేశించారని, ఏ రాష్ట్రంలో లేని అభివృద్ధి మన తెలంగాణ రాష్ట్రంలో కేసీఅర్‌ పరిపాలనలో చూస్తున్నామన్నారు. ఈ కార్యక్ర మంలో జెడ్పీటీసీ పైడి వెంకటేశ్వర రావు, మండల బీఆర్‌ఎస్‌ పార్టీ అధ్యక్షుడు దొడ్డకుల రాజేశ్వరరావు, ఎంపీపీ సోయం ప్రసాద్‌, వైస్‌ ఎంపీపీ దారా మల్లికార్జున్‌ రావు, సర్పంచ్‌ పాసం సుగుణ, ఉప సర్పంచ్‌ కుంజ రాజు, దమ్మపేట ఉప సర్పంచ్‌ దారా యుగంధర్‌, అప్పారావు, అబ్దుల్‌ జిన్నా, వార్డ్‌ మెంబర్‌లు, అధికారులు పాల్గొన్నారు.
