నవతెలంగాణ-దుమ్ముగూడెం
రాజ్యసభ సభ్యులు మున్నూరు కాపు సంఘం రాష్ట్ర గౌరవ అధ్యక్షులు వద్దిరాజు రవిచంద్ర పుట్టినరోజు వేడుకలను మంగళవారం ఘనంగా నిర్వహించారు. చిన్న బండి రేవు గ్రామంలోని మున్నూరు కాపు సంఘం మండల అధ్యక్షులు పూదోట సూరిబాబు నివాస గృహంలో నిర్వహించిన వేడుకల్లో కేక్‌ కట్‌ చేసి వద్దిరాజు రవిచంద్రకు పుట్టినరోజు శుభాకాంక్షలు తెలియజేశారు. అనంతరం పర్ణశాల ప్రాథమిక ఆరోగ్య కేంద్రంలో సుమారు 50 మంది గర్భిణీలు, బాలింతలకు పాలు, పండ్లు, బ్రెడ్లు అందజేశారు. ఈ కార్యక్రమంలో పర్ణశాల వైద్యాధికారి రేణుక రెడ్డి, మున్నూరు కాపు సంఘం రైతు మండల అధ్యక్షులు తంత్రపల్లి వెంకటేశ్వరరావు, కాపు కుల బాంధవులు లంకా శివ, బోనాసి వెంకటేశ్వరరావు, కొమ్ము సురేందర్‌ కుమార్‌, పొగాకు నారాయణ, కొమ్ము సత్యనారాయణ , పాశం వెంకటేశ్వరరావు, గోపయ్య తదితరులు పాల్గొన్నారు.
బీఆర్‌ఎస్‌ పార్టీ ఆధ్వర్యంలో...
రవిచంద్ర పుట్టినరోజు వేడుకలను మండల బీఆర్‌ఎస్‌ పార్టీ ఆధ్వర్యంలో ఘనంగా నిర్వహించారు. లక్ష్మీ నగరం మండల పార్టీ కార్యాలయంలో జరిగిన జన్మదిన వేడుకలలో నాయకులు కేక్‌ కట్‌ చేసి స్వీట్లు అందజేశారు. పార్టీ మండల కార్యదర్శి కణితి రాముడు మాట్లాడారు. పార్టీ మండల అధికార ప్రతినిధి ఎండి జానీ పాషా, పార్టీ సీనియర్‌ నాయకులు దిశ సభ్యులు పెదనల్లబల్లి సర్పంచ్‌ మట్ట వెంకటేశ్వరరావు (శివాజీ), నడికుడి ఎంపీటీసీ తిరుపతిరావు, నాయకులు తదితరులు పాల్గొన్నారు.
జూలూరుపాడు : వద్దిరాజు రవిచంద్ర జన్మదిన వేడుకలను మండల కేంద్రంలోని ఏ.వి.ఆర్‌ ఫంక్షన్‌ హాల్‌ నందు మున్నూరు కాపు సంఘం స్టేట్‌ ఆర్గనైజింగ్‌ సెక్రటరీ బాపట్ల మురళి ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్యఅతిథిగా వైరా నియోజకవర్గ శాసనసభ్యులు లావుడియా రాములు నాయక్‌ హాజరై మాట్లాడారు. మండలంలోని మున్నూరు కాపులు కోరిన విధంగా మున్నూరు కాపు కళ్యాణ మండప స్థలానికి కృషి చేస్తానని హామీ ఇచ్చారు. అనంతరం కేక్‌ కట్‌ చేసి అందరికీ కేక్‌ తినిపించారు. మున్నూరు కాపు సంఘ నాయకులు రామిశెట్టి నాగేశ్వరరావు అధ్యక్షతన జరిగిన ఈ కార్యక్రమంలో మండల మున్నూరు కాపు సంఘ నాయకులు రోకటి సురేష్‌, రామిశెట్టి రాంబాబు, చౌడం నరసింహారావు, బొడ్డు కృష్ణయ్య, సిరం శెట్టి రామారావు, నాగేశ్వరరావు, వీరబాబు, వెంకటనారాయణ తదితరులు పాల్గొన్నారు.
ఇల్లందు : రాజ్యసభ సభ్యులు, మున్నూరుకాపు రాష్ట్ర అపెక్స్‌ కమిటీ అధ్యక్షులు వద్దిరాజు రవిచంద్ర (గాయిత్రి రవి) జన్మదిన వేడుకలు స్థానిక సీతారామ కాంప్లెక్స్‌లో సోమవారం ఘనంగా నిర్వహించారు. జిల్లా గ్రంధాలయ సంస్థ అధ్యక్షులు దిండిగల రాజేందర్‌ అధ్యక్షతన మున్నూరు కాపు సంఘం ఆధ్వర్యంలో వేడుకలు జరిగాయి. మున్నూరు కాపు పట్టణ అధ్యక్షులు పింగళి నరేష్‌ ప్రధాన కార్యదర్శి ఆవుల శ్రీనివాస్‌, టీజీబీకేఎస్‌ అధ్యక్షులు ఎస్‌. రంగనాథ్‌, సంఘ నేతలు ఆకుల చందర్‌, పగడాల చందు, కృష్ణారావు, దిండిగళ్ల యాదిరెడ్డి, కందాల జనార్ధన్‌, యూత్‌ అధ్యక్షులు పెద్దినేని రామకృష్ణ కార్యదర్శి ప్రేమ్‌ కుమార్‌ గూడ గోపాల్‌ ఆముదాల సతీష్‌లు కేక్‌ కట్‌ చేసి స్వీట్లు పంచారు. ఈ సందర్భంగా వారు మాట్లాడారు. ఈ కార్యక్రమంలో మున్సిపల్‌ వైస్‌ చైర్మన్‌ సయ్యద్‌ జానీ పాషా, సుధీర్‌ తోట్ల, సంజరు తోట్ల, భావ్‌ సింగ్‌ పాల్గొన్నారు.
