- టీపీసీసీ మెంబర్‌ సున్నం నాగమణి
అన్నపురెడ్డిపల్లి : కాంగ్రెస్‌ పార్టీ చేపట్టిన హాత్‌ సే హత్‌ జోడో పాదయాత్రకు మండలం నుండి భారీగా కదిలి వెళ్లి విజయవంతం చేయాలని టీపీసీసీ మెంబర్‌ సున్నం నాగమణి కోరారు. మండల కేంద్రంలో కాంగ్రెస్‌ పార్టీ మండల అధ్యక్షులు వనమా గాంధీ నివాస గృహంలో ఏర్పాటు చేసిన సమావేశంలో ఆమె మాట్లాడుతూ ఏఐసీసీ, పీసీసీ, సీఎల్పీ డీసీసీ ఆదేశాలతో ఈనెల 26న హాథ్‌ సే హాథ్‌ జోడో యాత్రను లాంఛనంగా ప్రారంభించి ఫిబ్రవరి 6 నుంచి రెండు నెలలపాటు ఈ యాత్రను ఘనంగా రాష్ట్రవ్యాప్తంగా కొనసాగుతున్న నేపథ్యంలో గడప గడపకు కాంగ్రెస్‌ పార్టీ విధి విధానాలను ప్రజలకు తెలియజేయలని అన్నారు. ఈ కార్యక్రమంలో తుమ్మ రాంబాబు, అశ్వారావుపేట, దమ్మపేట, ములకపల్లి, చండ్రుగొండ మండల కాంగ్రెస్‌ పార్టీ అధ్యక్షులు మద్దిశెట్టి సత్య ప్రసాద్‌, తాండ్ర ప్రభాకర్‌ రావు, దారం గోవిందరెడ్డి తదితరులు పాల్గొన్నారు.
మణుగూరు : కాంగ్రెస్‌ పార్టీ హాథ్‌ సే హాత్‌ జోడో యాత్రను విజయవంతం చేయాలని పినపాక నియోజకవర్గ కోఆర్డినేటర్‌ కాటిబోయిన నాగేశ్వరరావు, టీపీసీసీ సభ్యులు డాక్టర్‌ చందా సంతోష్‌ కుమార్‌ అన్నారు. మంగళవారం కాంగ్రెస్‌ పార్టీ కార్యాలయంలో మండల అధ్యక్షులు పీరినాకి నవీన్‌ ఆధ్వర్యంలో నియోజకవర్గ స్థాయి ముఖ్య కార్యకర్తల సమావేశం నిర్వహించి, మాట్లాడారు. ఈ కార్యక్రమంలో తాళ్ళూరి చక్రవర్తి, జిల్లా మైనార్టీ అధ్యక్షులు మహ్మద్‌ ఖాన్‌, నియోజకవర్గ యువజన అధ్యక్షులు శ్రీనివాస్‌ రెడ్డి, యువజన ఉపాధ్యక్షులు ఆనంద్‌, కరకగూడెం అధ్యక్షులు ఇక్బాల్‌ హుస్సేన్‌, పినపాక అధ్యక్షులు రామనా దం, బి బ్లాక్‌ మహిళా అధ్యక్షురాలు నాగమణి, తదితరులు పాల్గొన్నారు.
