- టీపీసీసీ సభ్యులు నాగా సీతారాములు
నవతెలంగాణ-కొత్తగూడెం
వికలాంగులకు చేయూత నిచ్చేందుకు ప్రతి ఒక్కరూ ముందుకు రావాలని టీపీసీసీ సభ్యులు నాగా సీతారాములు అన్నారు. ఆదివారం ఆయన జన్మదినం సందర్భంగా కొత్తగూడెం క్లబ్‌లో వికలాంగుల దినోత్సవం, దివ్యాంగుల ఆదర్శ వివాహం సందర్బంగా ఏర్పాటు చేసిన సాంస్కృతిక కార్యక్రమాలకు నాగా సీతారాములు హాజరయ్యారు. పోటీలలో పాల్గొన్న వారికి తన సొంత ఖర్చులతో ప్రత్యేక బహుమతులను అందజేశారు. ఇదే వేదికపై కేక్‌ కట్‌చేసి ఆయన పుట్టిన రోజు వేడుకలను జరుపుకున్నారు. ఈ సందర్భంగా ఆయన మాట్లాడుతూ అంగవైఖల్యం ఉన్న వారిని మన పిల్లలుగా భావించి వారిలో మనోధైర్యాన్ని నింపాలని సూచించారు. మైనార్టీ జిల్లా ఉపాధ్యక్షులు కరీం పాషా, సుజాతనగర్‌ ఓబీసీ మండల అధ్యక్షుడు కసనబోయిన లక్ష్మణ్‌, యువజన కాంగ్రెస్‌ జిల్లా సెక్రెటరీ తేజావత్‌ శ్రీనివాస్‌, తేజావత్‌ సాయి పాల్గొన్నారు.
