నవతెలంగాణ- వైరా
వైరా మున్సిపాలిటీ పరిధిలోని వివిధ వార్డులలో పలు శుభకార్యాలలో ఆదివారం ఖమ్మం పార్లమెంటు సభ్యులు నామా నాగేశ్వర రావు, వైరా శాసన సభ్యులు లావుడియా రాములు నాయక్‌లు కలిసి పాల్గొన్నారు. ఎంపి నామా నాగేశ్వరరావు, ఎమ్మెల్యే రాములు నాయక్‌లు తొలుత వైరా రిజర్వాయర్‌ సిమ్మర్స్‌ అసోసియేషన్‌ కమిటీ సభ్యులు నాగార్జున వెంకటయ్య, చావా నాగేశ్వరరావు ఆధ్వర్యంలో ఏర్పాటు చేసిన హనుమాన్‌ చాలిస్‌, శ్రీరామచంద్రుల కళ్యాణ మహౌ త్సవ కార్యక్రమంలో పాల్గొని పూజలు నిర్వహించారు . అక్కడ కమిటీ సభ్యులు ఎంపీ, ఎమ్మెల్యేలను శాలువాలతో సన్మానించారు. తరువాత 12, 14వ వార్డులలో జరిగిన శుభకార్యాలలో పాల్గొన్నారు. శనివారం 18వ వార్డు కౌన్సిలర్‌ దనేకుల వేణు తండ్రి మరణించగా ఆదివారం పల్లిపాడులోని వారి గృహానికి వెళ్లి వేణు తండ్రి చిత్రపటానికి పూలమాలలు వేసి నివాళులర్పించారు. అసెంబ్లీ సమావేశాలున్నందున శనివారం రాలేకపోయినట్లు ఎమ్మెల్యే వేణుకు తెలిపారు. ఈ కార్యక్రమంలో వారితోపాటు, మాజీ శాసన సభ్యురాలు చంద్రావతి, మున్సిపల్‌ వైస్‌ చైర్మన్‌ ముల్లపాటీ సీతారాములు, వైరా మార్కెట్‌ చైర్మన్‌ బీడీకే రత్నం, వైరా పట్టణ మరియు రూరల్‌ అధ్యక్షులు దార్ణ రాజశేఖర్‌, బాణాల వెంకటేశ్వరరావు, జిల్లా దిశా కమిటీ సభ్యులు కట్ట కృష్ణ అర్జునరావు, వైరా పట్టణ సోషల్‌ మీడియా కన్వీనర్‌ మోటపోతుల సురేష్‌, వైరా చేపల సొసైటీ చైర్మన్‌ ఎస్కె రహీం, మిషన్‌ భగీరథ రాష్ట్ర అధ్యక్షులు మద్దెల రవి, కౌన్సిలర్స్‌ వనమా విశ్వేశ్వరరావు, డాక్టర్‌ కోటయ్య, లక్ష్మీబాయి, చల్లగుండ్ల నాగేశ్వరరావు, తాడికమల్ల నాగేశ్వరరావు, కోఆప్షన్‌ సభ్యులు అప్పం సురేష్‌, కోదండరామ దేవస్థానం చైర్మన్‌ మిట్టపల్లి సత్యంబాబు, వైరా పట్టణ నాయకులు పనితి సైదులు, మరికంటి శివ, సూర్యదేవర శ్రీధర్‌, నాయకులు పోట్ల శ్రీనివాసరావు, మండల పార్టీ అధ్యక్షులు వై.చిరంజీవి, మార్కెట్‌ కమిటీ డైరెక్టర్‌ బాబులాల్‌, సీనియర్‌ నాయకులు డేరంగుల బ్రహ్మం, పోగుల శ్రీను, పాసంగులపాటి శ్రీను, కోపిల తంబి తదితరులు పాల్గొన్నారు.
