నవతెలంగాణ-కొత్తగూడెం
కొత్తగూడెంలో ఇటీవల అనారోగ్యంతో మృతిచెందిన కాళ్ళూరు యతిరాజ్‌ కుమార్‌ (ఏబిఎన్‌ రాజు)కు సీపీఐ(ఎం) నేతలు బుధవారం నివాళులర్పించారు. జర్నలిస్టు సంఘాలు, స్నేహితుల ఆధ్వర్యంలో పట్టణంలోని బస్టాండ్‌ సెంటర్‌, చిల్డ్రన్‌ పార్కువద్ద రాజు జ్ఞాపకార్ధం బుధవారం పెద్ద ఎత్తున అన్నదాన కార్యక్రమం నిర్వహించారు. అన్నదాన కార్యక్రమం సందర్భంగా ఏర్పాటు చేసిన రాజు చిత్రపటం వద్ద నాయకులు మౌనం పాటించి నివాళులర్పించారు. జర్నలిజంలో ఆయన సేవలను కొనియాడారు. అన్నదాన కార్యక్రమంలో పాల్గొన్నారు. ఈ కార్యక్రమంలో సీపీఐ(ఎం) సీనియర్‌ నాయకులు కాసాని అయిలయ్య, జిల్లా కార్యదర్శి వర్గ సభ్యులు లిక్కి బాలరాజు, జిల్లా కమిటీ సభ్యులు అన్నవరపు సత్యనారాయణ, కొండపల్లి శ్రీధర్‌, భూక్యా రమేష్‌, యు.నాగేశ్వరరావు, బుర్ర వీరభద్రం, డి.వీరన్న సందకూరి లక్ష్మి, రామ్‌ చరణ్‌, సలీం, సతీష్‌ తదితరులు పాల్గొన్నారు.
సీపీఐ నివాళి : రాజ్‌కుమార్‌ నివాళి కార్యక్రమంలో సీపిఐ జిల్లా నాయకలు పాల్గొని నివాళి అర్పించారు. ముందుగా రాజ్‌ చిత్ర పటానికి పూలు వేసి నివాళి అర్పించారు. పాత్రికేయుడిగా రాజు చేసిన సేవలను స్మరించుకున్నారు. ఈ కార్యక్రమంలో సిపిఐ జిల్లా కార్యదర్శి ఎస్‌కె.సాబీర్‌ పాషా, బందెల నర్సయ్య, దుర్గరాశి వెంకటేశ్వర్లు, వై. శ్రీనివాసరెడ్డి, సలిగంటి శ్రీనివాస్‌, మైనార్టీ సంఘాల రాష్ట్ర నాయకులు నయిమ్‌ ఖురేషి, సిపిఐ జిల్లా సమితి సభ్యులు వాసిరెడ్డి మురళి, నగేష్‌, శ్రీనివాస్‌, నాయకులు, స్థానిక సంస్థల ప్రజా ప్రతినిధులు, తదితరులు ఉన్నారు.
