- మాజీ మంత్రి తుమ్మల నాగేశ్వరరావు
నవతెలంగాణ-నేలకొండపల్లి
విద్యార్థులు తాము ఎంచుకున్న రంగాలలో రాణిం చేందుకు, నిర్దేశించిన లక్ష్యాన్ని చేరుకునేందుకు పట్టుదలగా, చిత్తశుద్ధితో పనిచేయాలని మాజీ మంత్రి తుమ్మల నాగేశ్వరరావు అన్నారు. గురువారం మండల కేంద్రంలోని వసుంధర ఒకేషనల్‌ కళాశాల వార్షికోత్సవ కార్యక్రమానికి ఆయన ముఖ్యఅతిథిగా విచ్చేశారు. తొలుత కళాశాల విద్యార్థులు, యాజమాన్యం తుమ్మల నాగేశ్వరరావుకు ఘన స్వాగతం పలికారు. ఈ సందర్భంగా ఆయన మాట్లాడుతూ విద్యార్థులు చెడు అలవాట్లకు బానిసలు కాకుండా మంచి లక్షణాలను అలవర్చుకోవాలన్నారు. కన్న తల్లిదండ్రులకు కళాశాల యాజమాన్యానికి పేరు ప్రఖ్యాతులు తెచ్చేలా చదువులో రాణించాలన్నారు. కార్యక్రమంలో టిఆర్‌ఎస్‌ నాయకులు సాదు రమేష్‌ రెడ్డి, రైతు సమన్వయ సమితి జిల్లా కన్వీనర్‌ నల్లమల్ల వెంకటేశ్వరరావు, బండి జగదీష్‌, జూకూరి గోపాలరావు, శాఖమూరి రమేష్‌, వెన్నపూసల సీతారాములు, వేగినాటి లక్ష్మీనరసయ్య, కాసాని నాగేశ్వరరావు, కళాశాల ప్రిన్సిపల్‌ ఈగ అనిల్‌ కుమార్‌, కొమ్మూరి నరేష్‌, కడియాల నరేష్‌ తదితరులు పాల్గొన్నారు.
