నవతెలంగాణ-మధిర:మన మధిరలో ఖాజీపురం గ్రామానికి చెందిన యువదర్శకుడు ఎ.ఆర్‌.సమీర్‌ రామయ్య మాస్టారు చిత్రం ద్వారా నటుడిగా పరిచయమైన ప్రవీణ్‌ చిన్నా హీరోగా నటిస్తూ తానే నిర్మాతగా నిర్మల క్రియేషన్స్‌ బ్యానర్‌ పై నిర్మిస్తున్న నూతన ప్రేమ కథా చిత్రం ప్రేమకు వేళాయెరా చిత్రం షూటింగ్‌ విజయవంతంగా పూర్తి చేసుకుంది. ఈ చిత్రానికి తిరువూరు పులిపాటి నరసింహరావు స్వామి దర్శకత్వం వహించగా, వరప్రసాద్‌ రెడ్డి సినిమాటోగ్రఫీ అందించారు. హీరోయిన్‌ సాహిత్య గాయత్రి, మనం దినపత్రిక పాత్రికేయులు అరుణ్‌, ఆర్కే ఫౌండేషన్‌ ఛైర్మన్‌ దోర్నాల రామకృష్ణ, ఆయన సతీమణి జ్యోతి, పెనుగొలను సాయిబాబు, నెమలి శ్యామ్‌, ఖమ్మం విజయమ్మ, ఎ.ఆర్‌.సమీర్‌, మధిర స్టార్‌ ఫోటోస్టూడియో మేనేజర్‌ నాగుల్‌ మీరా, శ్రీలక్ష్మీ శ్రీనివాస థియేటర్‌ మేనేజర్‌ బత్తుల శ్రీను, గోసవీడు అంజి, నెమలి దొరబాబు తదితరులు ముఖ్యపాత్రలు పోషించారు .ఈ చిత్రానికి డైరక్టర్‌ ఎ.ఆర్‌.సమీర్‌ తన వంతు సపోర్ట్‌ ను అందించారు. ఈ సందర్భంగా తమ సినిమా షూటింగ్‌ కు సహకరించిన ప్రతి ఒక్కరికి మధిర ప్రజలందరికి చిత్రయూనిట్‌ ధన్యవాదాలు తెలియజేసారు.
