- మహిళలకు అన్ని వేళలా రక్షణగా ఉండాలి
- జిల్లా దిశ అధ్యక్షురాలు అన్నపూర్ణ
నవతెలంగాణ-కొత్తగూడెం
ఎస్పీ వినీత్‌.జిని దిశా ప్రొటెక్షన్‌ వెల్ఫేర్‌ ఫౌండేషన్‌ జిల్లా అధ్యక్షురాలు మద్దెల అన్నపూర్ణ సోమవారం ఎస్పీ కార్యాలయంలో ఎస్పీని మర్యాదపూర్వకంగా కలిశారు. బుకే అందజేసి శాలువా కప్పి సన్మానించారు. ఈ సందర్భంగా అన్నపూర్ణ మాట్లాడుతూ మహిళల హక్కుల కోసం, మహిళలకు రక్షణగా దిశ అన్నివేళలా ముందు ఉంటుందని తెలిపారు. మాకు రక్షణగా పోలీస్‌ డిపార్ట్మెంట్‌ వారు తోడుగా ఉండాలని, పోలీస్‌ వారు ఎటువంటి కార్యక్రమం నిర్వహించిన దిశా ప్రొటెక్షన్‌ సహకరిస్తుందని తెలిపారు. ఈ సందర్భంగా ఎస్పీ మాట్లాడుతూ మహిళలకు ఏ సహాయం కావాలన్నా ఎల్లవేళలా పోలీస్‌ శాఖ తోడుగా ఉంటుందని, మహిళలు అన్ని రంగాలలో రాణించాలని ఎస్పీ ఆకాంక్షించారు. ఈ కార్యక్రమంలో మణుగూరు, అశ్వాపురం, సారపాక, బూర్గంపాడు దిశా సభ్యులు పాల్గొన్నారు.
