నవతెలంగాణ - ఎర్రుపాలెం
     మహా శివరాత్రి పర్వదినాన్ని పురస్కరించుకొని శనివారం శ్రీ దుర్గా మల్లేశ్వరి ఆలయ ప్రాంగణంలో ఖమ్మం జిల్లా, ఆంధ్ర ప్రదేశ్‌ రాష్ట్రం ఎన్టీఆర్‌ జిల్లాల స్థాయి కబడ్డీ పోటీలు ఘనంగా ప్రారంభమయ్యాయి. బనిగండ్లపాడు గ్రామంలో గల శివాలయం కమిటీ ఆధ్వర్యంలో పోటీలను స్థానిక సర్పంచ్‌ జంగా పుల్లారెడ్డి, పెద్ద గోపవరం సొసైటీ అధ్యక్షులు శీలం అక్కిరెడ్డి, ఎంపీటీసీ యన్నం అన్న పూర్ణ ప్రారంభించారు. ఈ పోటీల్లో 45 టీంలు పాల్గొన్న ట్టు నిర్వహణ కమిటీ సభ్యులు తెలిపారు. దూర ప్రాంతాల నుంచి వచ్చే క్రీడాకారులకు వసతి, ఉచిత భోజనం ఏర్పాట్లు చేసినట్లు తెలిపారు. ఈ మ్యాచ్లు ఉదయం 8 గంటల నుండి సాయంత్రం 6 గంటల వరకు మాత్రమే జరుగుతాయని తెలిపారు. ఈ కార్యక్రమంలో ఆలయ కమిటీ చైర్మన్‌ సిలివేరి వెంకటేశ్వర్లు, ఆలయ అర్చకులు కాశావఝల నరసింహమూర్తి, యన్నం సత్యనారాయణరెడ్డి, ఎదురు కృష్ణారెడ్డి, బొగ్గుల రామచంద్రారెడ్డి, కోనా సత్యనారాయణ గుప్తా, శాగం లక్ష్మి కుమార్‌ రెడ్డి, తల్లపురెడ్డి రామిరెడ్డి, సిలివేరు వాసు, వేమిరెడ్డి వెంకటరెడ్డి, వేమిరెడ్డి విజయరెడ్డి, పీఈటీలు గూడూరు సత్యనారాయణరెడ్డి, తల్లపురెడ్డి గోపి రెడ్డి, క్రీడా కారులు తదితరులు పాల్గొన్నారు.