- సుబాబుల్‌ కర్ర ట్రాక్టర్‌ బోల్తా
- ప్రమాదంలో డ్రైవర్‌ దుర్మరణం
నవతెలంగాణ-బూర్గంపాడు
పండుగ పూట ఓ కుటుంబంలో విషాదం నెలకొంది. సుబాబుల్‌ కర్ర లోడుతో వెళుతున్న ఓ ట్రాక్టర్‌ బోల్తా పడిన సంఘటనలో అదే ట్రాక్టర్‌ నడుపుతున్న డ్రైవర్‌ ప్రమాదంలో దుర్మరణం చెందిన సంఘటన శనివారం చోటుచేసుకుంది. మండల పరిధిలోని సోంపల్లి, బూర్గంపాడు, గ్రామాల మధ్య శనివారం జరిగిన ట్రాక్టర్‌ ప్రమాదం జరిగింది. సారపాక గ్రామానికి చెందిన ఓ ట్రాక్టర్‌ యజమాని సోంపల్లి గ్రామ సమీపంలోని రైతు వద్ద సూబాబులు కర్ర కొనుగోలు చేశాడు. కూలీలతో నరికించి లోడు చేసుకోని ఐటీసీ కార్మాగారానికి వెళ్తున్న క్రమంలో ట్రాక్టర్‌ అదుపుతప్పి బోల్తా పడింది. ఈ ప్రమాదంలో ట్రాక్టర్‌ నడుపుతున్న డ్రైవర్‌ సికినేని వెంకటే శ్వరరావు(32 ) ట్రాక్టర్‌ కిందపడి అక్కడిక్కడే మృతి చెందాడు. పండగ పూట సారపాక గ్రామంలో మృతుని కుటుంబ పరిసర ప్రాంతాలలో విషాదఛాయలు నెలకొన్నాయి. ఈ సంఘటనపై బూర్గంపాడు పోలీసులు కేసు నమోదు చేసి దర్యాప్తు చేస్తున్నారు.
