- ఆహ్వానపత్రాన్ని ఆవిష్కరించిన భక్తసమాజమండలి
నవతెలంగాణ-పాల్వంచ
             పాల్వంచ పట్టణ పరిధిలోని శ్రీనివాసకానీలోని శ్రీ శ్రీనివాసగిరి శ్రీ వెంకటేశ్వరస్వామి దేవస్థానం (గుట్ట) వచ్చేనెల మార్చి 17 నుండి 20 వరకు శ్రీదేవి భూదేవి సమేత శ్రీ వెంకటేశ్వరస్వామి వార్షిక కళ్యాణమహౌత్సవం జరగనుందని శ్రీ వెంకటేశ్వరస్వామి భక్త సమాజమండలి అద్యక్షులు ఆరుట్ల లక్ష్మణచార్యులు, ఫ్రధాన కార్యదర్శి ధర్మపురి రాము తెలిపారు. ఆదివారం స్వామివారి కళ్యాణ మహౌత్సవ ఆహ్వన శుభ పత్రికను ఆలయ ప్రధాన అర్చకులు తోలేటి నగేష్‌శర్మ సహాయ అర్చకులు ఫణి రాజాచార్యులు ఆధ్వర్యంలో వేద మంత్రాలతో పూజ నిర్వహించి భక్త సమాజ మండలి సభ్యుల చేతుల మీదుగా ఆవిష్కరించారు. ఈ సందర్బంగా ఈ సందర్బంగా ఏర్పాటు చేసిన విలేకర్ల సమావేశంలో వారు మాట్లాడుతూ ఈనెల 18న శ్రీదేవిభూదేవి సమేత శ్రీ వెంకటేశ్వరస్వామి కళ్యాణం ఉదయం 9.˜30 నిమిషాల నుండి ప్రారంభించి వైభవోపేతంగా నిర్వహిస్తున్నట్లు చెప్పారు. దాంతోపాటు అన్నప్రసాదం 12.30 నుండి ప్రారంభం అవుతుందని 19న మహాపూర్ణాహుతి, చక్రస్నానం అనంతరం మహదాశీర్వచనం, 20న 3.00 నుండి పాల్వంచ పురవీధుల్లో రథోత్సవం ఉంటుందని అన్నారు. ఈ కార్యక్రమంలో సమన్వయకర్త ఊకె భద్రయ్య, వర్కింగ్‌ ప్రెసిడెంట్‌ కందుకూరి రామకృష్ణ, ప్రముఖులు సభ్యుల్ల గోవిందరెడ్డి, జమ్ముల సీతరామిరెడ్డి, సంక్రాంతి రవి, కుదుమూరి సత్యనారాయణ, మేదరమెట్ల శ్రీనివాసరావు, వాసిరెడ్డి, రామకృష్ణ, ఉపాద్యక్షులు తాటికొండ శ్రీలత, పిట్టా లక్ష్మారెడ్డి, బండి నారాయణ, సలహామండలి సభ్యులు వేమూరి వెంకటేశ్వరరావు, బండి వెంకటేశ్వర్లు తదితరులు పాల్గొన్నారు.