- సెంట్రల్‌ లైంటింగ్‌ శంకుస్థాపనలో ఎమ్మెల్యే వనమా
నవతెలంగాణ-సుజాతనగర్‌
ముఖ్యమంత్రి కేసీఆర్‌ తెలంగాణ రాష్ట్రాన్ని అన్ని విధాలుగా అభివృద్ధి చేస్తున్నారని ఎమ్మెల్యే వనమా వెంకటేశ్వరరావు అన్నారు. శుక్రవారం మండల కేంద్రంలో సెంట్రల్‌ లైటింగ్‌కు శంకుస్థాపన చేశారు. అనంతరం వారు మాట్లాడుతూ మండల కేంద్రలో రూ.38 లక్షలతో తన చిరకాల వాంఛ అయినా సెంట్రల్‌ లైటింగ్‌ను ఏర్పాటు చేయడం చాలా సంతోషం కలిగించిందని అన్నారు. సోమేశ్వర స్వామి ఆలయ నూతన కమిటీ ప్రమాణ స్వీకారోత్సవానికి హాజరై స్వామివారికి పూజలు నిర్వహించారు. ఈ కార్యక్రమంలో వనమా రాఘవేందర్‌, జిల్లా జడ్పీ వైస్‌ చైర్మన్‌ కంచర్ల చంద్రశేఖర రావు, ఎంపీపీ భూక్యా విజయలక్ష్మి, మున్సిపల్‌ చైర్‌ పర్సన్‌ కాపు సీతాలక్ష్మి, మార్కెట్‌ కమిటీ చైర్మన్‌ బుక్య రాంబాబు, ఆత్మ కమిటీ చైర్మన్‌ బత్తుల వీరయ్య, సొసైటీ చైర్మన్‌ మండే హనుమంతరావు తదితరులు పాల్గొన్నారు.
